रुकुम पूर्व : रुकुमपूर्वको पुथाउत्तरगंगा गाउँपालिकाको उपनिर्वाचनमा मतदान जारी छ । नेकपा माओवादी केन्द्रकी गाउँपालिका उपाध्यक्ष पदका उम्मेदवार नरपुरा बुढा पुनले मतदान गरेपछि सुरु भएको हो ।
बिहान ७ बजेर २५ मिनेटमा नरपुरा बुढा पुनले वडा नम्बर १२ को पर्वत मावि कोलबाट मतदान गरेकी हुन्।
त्यस्तै एमाले र काँग्रेसका संयुक्त उम्मेदवार केशकुमारी तुलाचनले पनि वडा नम्बर ९ को खाराबाङबाट ७ बजेर ४१ मिनेटमा मतदान गरेकी छिन् । पुथाउत्तरगंगा गाउँपालिकामा ११ हजार १ सय ८० मतदाता रहेका छन् । यस गाउँपालिकामा २२ वटा मतदान केन्द्र रहेको छ ।
प्रतिक्रिया दिनुहोस !
