नुवाकोट : नुवाकोटको ककनी गाउँपालिका २ को वडाध्यक्ष पदका लागि मतदान भइरहेको छ। चार मतदान केन्द्रमा आइतबार दिउँसोसम्म करिब ५७ प्रतिशत मत खसेको छ।
तीनहजार एकसय ७३ जना मतदाता रहेको सो वडामा आइतबार दिउँसो सवा २ बजेसम्म एकहजार सातसय ९३ जनाले मत खसालिसकेका जिल्ला निर्वाचन कार्यालयले जनाएको छ।
ककनी २ स्थित वडा कार्यालयको ‘क’ मतदान केन्द्रमा तीनसय, ‘ख’ मा तीनसय १५ तथा शिवालय मावि ‘क’ मतदान केन्द्रमा पाँचसय २९ र ‘ख’ मा ६ सय ४९ गरी एकहजार सात सय ९३ अर्थात् ५७ प्रतिशत मत खसिसकेको जिल्ला निर्वाचन अधिकारी होमबहादुर थापामगरले जानकारी दिए।
मतदान सकिएपछि आवश्यक तयारी पूरा गरेर मतगणना गरिने तयारी रहेको छ। ककनीको उपनिर्वाचनमा चारवटा मतदान केन्द्र कायम गरिएका छन्। वडाध्यक्ष पदका लागि ११ जना चुनावी प्रतिस्पर्धामा रहेका छन्।
प्रतिक्रिया दिनुहोस !
