मोरङको ग्रामथानमा सर्वदलीय बैठक सुरु, सहमति जुटेपछि मतगणना सुरु गरिने
मंसिर १६, २०८१ आइतबार २०:२४:३१
विराटनगर : मोरङको ग्रामथानमा मतगणनाका लागि सर्वदलीय बैठक सुरु भएको छ। बैठकबाट सहमति जुटेपछि मतगणना सुरु हुने प्रमुख जिल्ला अधिकारी प्रेमप्रसाद भट्टराईले बताए।
आज भएको उपनिर्वाचनमा ७१.३ प्रतिशत मत खसेको छ। ७ वटा वडा रहेको ग्रामथानमा २६ हजार ४४ मतदाता थिए। तीमध्ये १८ हजार ५ सय ७७ जना मतदानमा सहभागी भएको थिए।
ग्रामथानमा १२ मतदानस्थल र २९ मतदान केन्द्र कायम गरिएको थियो। विभिन्न दलबाट १५ र स्वतन्त्र १ सहित १६ जना उम्मेदवार चुनावी प्रतिस्पर्धामा थिए।
प्रतिक्रिया दिनुहोस !
