कुशेको वडाध्यक्षमा कांग्रेसका खम्बबहादुर सिंह १५ मतान्तरले विजयी
मंसिर १७, २०८१ सोमबार ६:२४:३
जाजरकोट : जाजरकोटको कुशे गाँउपालिका वडा नम्बर ७ को वडाध्यक्षमा नेपाली काँग्रेसका खम्बबहादुर सिंह १५ मतान्तरले विजयी भएका छन् । काँग्रेस उम्मेदवार सिंहले ३ सय ४७ मत प्राप्त गरि विजयी भएका हुन् ।
उनका निकटतम प्रतिद्वन्दी नेकपा माओवादी केन्द्रका डम्बरबहादुर घर्तीले ३ सय ३२ मत प्राप्त गरेका छन् । एक हजार ३ सय २ मतदाता रहेको सो वडामा आइतवार भएको उपचिर्वाचनमा ९ सय ५६ मत खसेको थियो ।
एमालेका गोरखबहादुर नेपालीले २ सय ५२ मत र राष्ट्रिय प्रजातन्त्र पार्टीका लालबहादुर खत्रीले ७ मत प्राप्त गरेको जिल्ला निर्वाचन अधिकारी नविनकुमार कठायतले जानकारी दिए । १५ मत बदर भएको छ । यो वडा माओवादी केन्द्रले जितेको थियो । वडाध्यक्ष मुनबहादुर घर्तीको निधन भएपछि रिक्त रहेको वडाध्यक्ष पदमा उपनिर्वाचन भएको हो ।
प्रतिक्रिया दिनुहोस !
