दुल्लु नगरपालिका १३ को वडाध्यक्षमा एमालेका लालबहादुर शाही निर्वाचित
मंसिर १७, २०८१ सोमबार ६:२९:४७
दैलेख : स्थानीय तह उपनिर्वाचन अन्तर्गत दैलेखको दुल्लु नगरपालिका–१३ को वडाध्यक्षमा नेकपा एमालेका लालबहादुर शाही निर्वाचित भएका छन् । उनले पाँच सय ७४ मत प्राप्त गरी उक्त पदमा निर्वाचित भएका मुख्य निर्वाचन अधिकृतको कार्यालयले जनाएको छ ।
नेपाली कांग्रेसका रेशमबहादुर शाहीलाई ३ मतले पराजित गर्दै उनी वडाध्यक्षमा विजयी भएका हुन् । एमालेका शाहीको निकटम् प्रतिद्वन्दी नेपाली काँग्रेसका रेशमबहादुर शाहीले पाँच सय ७१ मत प्राप्त गरेका छन् ।
त्यसैगरी नेकपा माओवादी केन्द्रका ढकेन्द्रबहादुर शाहीले दुई सय ७८, राष्ट्रिय स्वतन्त्र पाटी (रास्वपा) का रामबहादुर शाहीले ५३, राप्रपाका रेशमबहादुर मल्लले १३ र नेमकिपाका पूर्णप्रसाद उपाध्यायले चार मत प्राप्त गरेका मुख्य निर्वाचन अधिकृतको कार्यालयले जनाएको छ । आइतबार भएको मतदानमा खसेको कुल एक हजार पाँच सय २७ मत गणना हुँदा ३३ मत बदर भएका छ ।
यसअघि यो वडाको वडाध्यक्षमा नेकपा एमाले नै विजयी भएको थियो । २०७९ को स्थानीय तह निर्वाचनमा नेकपा एमालेका विर्खबहादुर शाही ८ सय २२ मतसहित वडाध्यक्षमा निर्वाचित भएका थिए । त्यसबेला नेकपा माओवादी केन्द्रका डम्मरबहादुर शाहीले ५ सय ५०, नेकपा एकीकृत समाजवादीका भीमप्रसाद शर्माले ३६ र नेपाल मजदुर किसान पाटीका मधुसुदन शर्माले ११ मत प्राप्त गरेका थिए ।
प्रतिक्रिया दिनुहोस !
