बाजुराको स्वामीकार्तिक गाउँपालिका उपाध्यक्षमा एमालेकी सुलोचना बुढा विजयी
मंसिर १७, २०८१ सोमबार ७:४७:५७
बाजुरा : बाजुराको स्वामिकार्तिक खापर गाउँपालिका उपाध्यक्षमा एमाले उम्मेद्वार सुलोचना बुढा विजयी भएकी छन्। नेकपा एमालेकी उम्मेद्वारा बुढाले १ हजार ७ सय ४० मत ल्याएर विजयी भएकी छन् भने उनका प्रतिद्वन्द्वी नेपाली काँग्रेसकी उम्मेद्वारा पुल्तिसरा शाहीले १ हजार ४ सय ७४ मत ल्याएकी छन्।
सुलोचना भण्डारी बुढा २ सय ६६ मतान्तरले विजयी भएकी हुन्। एकीकृत समाजवादीकी उम्मेद्वारा जवा शाहीले ५ सय ५३ मल ल्याएर तेस्रो स्थानमा छन्।
२०७९ को निर्वाचनमा एमाले काङ्ग्रेसकै प्रतिस्पर्धामा कांग्रेस उम्मेदवार मैनादेवी जैसी विजयी भएकी थिइन्। उनले १ हजार ८ सय १० ल्याएर विजयी हुँदा बुढाले १ हजार ६ सय ३७ पाएकी थिइन्। जोशीको निधन भएपछि भएको उपनिर्वाचनमा कांग्रेस उम्मेदवार पुलतीसरा शाहीलाई २ सय ६६ मतले पछि पार्दै सुलोचना निर्वाचित भएकी हुन्।
बाजुराको स्वामीकार्तिक खापर गाउँपालिकामा उपाध्यक्षका लागि नेकपा एमाले, नेपाली काँग्रेस र नेकपा एकीकृत समाजवादी पार्टी चुनावी प्रतिस्पर्धामा थिए।
प्रतिक्रिया दिनुहोस !
