हुम्ला : सर्केगाड गाउँपालिकाको उपाध्यक्षमा नेपाल कम्युनिस्ट पार्टी माओवादी केन्द्रकी देवकी तिमिल्सना (समीक्षा) निर्वाचित भएकी छन् ।
आइतबार भएको उपनिर्वाचनमा तिमिल्सनाले १ हजार ६३७ प्राप्त गर्दै विजयी भएकी हुन् ।
तिमिल्सनाको निकटतम प्रतिद्वन्दी नेपाली काँग्रेसकी सविता बुढाले १ हजार ५९४ मत प्राप्त गरेकी छन् । उनलाई ४३ मतान्तरले पछि पार्दै तिमिल्सेना निर्वाचित भएकी छन् ।
६ हजार ८१० जना मतदाता मध्ये ४ हजार ५२४ मतदाताले मतदान गरेका थिए । नेकपा एमालेकी जाना शाहीले १ हजार १३२ मत, राष्ट्रिय प्रजातन्त्र पार्टीकी संगिता शाहीले ५१ र राष्ट्रिय स्वतन्त्र पार्टीकी बाँचा बुढाले २५ मत प्राप्त गरेका छन् ।
नेपाली काँग्रेसबाट असन्तुष्ट देखाएका नरेश शाहीले ९ मत प्राप्त गरेका छन्। खसेका मतमध्ये ७८ मत बदर भएको छ ।
प्रतिक्रिया दिनुहोस !
