जेम्स विद्यालयद्वारा आयोजित दोस्रो थन्डरबोल्ट्स कप खेलकुद महामेला अन्तर्गत १२ वर्षमुनि छात्रसमूह अन्तर्गतको जारी फुटबलको समूह चरणको खेलमा ब्लूम नेपाल स्कुलले शिखर स्कुलका विरुद्ध ७ /१ को गोल, लिटिल फ्लावर स्कुलले लर्डस लाइट एकेडेमीका विरुद्ध ४/० को गोल र चेल्सी वोर्ल्ड स्कुलले लिटिल एन्जेल्स स्कुलका विरुद्ध ४/१ को गोल अन्तर कायम गर्यो। सेन्ट जेभियर्स स्कुल र निस्ट स्कुलको खेल भने २ /२ गोलको बराबरीमा सकियो।
१६ वर्षमुनि छात्रसमूहको समूह चरण अन्तर्गतको जारी क्रिकेट प्रतिस्पर्धामा एलआरआई स्कुलले जेम्स स्कुललाई ९ विकेटले, लिटिल एन्जेल्स स्कुलले भ्याली पब्लिक स्कुललाई ८ विकेटले र चेल्सी वोर्ल्ड स्कुलले जेम्स स्कुललाई ७ विकेटले पराजित गर्यो।
जेम्स स्कुलको खेल मैदानमा जारी थन्डरबोल्ट्स कप अन्तर्गत बास्केटबलको यु-१८ छात्रतर्फ समूह चरणको आजको खेलमा बर्नहार्ट स्कुलको ५९ का विरुद्ध काठमान्डु वर्ल्ड स्कुलले ६३ अंक, मोलिस स्कुलको २२ का विरुद्ध नामी कलेजले ४८ अंक र जेम्स स्कुलको १५ का विरुद्ध गोल्डेनगेट इन्टरनेसनल कलेजले ४७ अंक जोडेका छन् भने यु-१८ छात्रातर्फ समूह चरणको आजको खेलमा रिब्स स्कुलको १९ का विरुद्ध नामी कलेजले २१ अंक प्राप्त गरेको छ।
यु-१६ छात्रतर्फ समूह चरणको आजको खेलमा ओएसिस स्कुलको ४७ का विरुद्ध एलआरआई स्कुलले ५३अंक र मेगस स्कुलको २३ का विरुद्ध रातो बंगला स्कुलले ४४ अंक जोडेका छन्।
थन्डरबोल्ट्स कप अन्तर्गत यु- १२, यु- १५ र यु-१८ उमेर समूहका महिला र पुरुष एकलतर्फ टेबल टेनिस खेलमा ३० भन्दा बढी विद्यालय र २५० भन्दा बढी विद्यार्थीबीच प्रतिस्पर्धा जारी छ। यस खेलमा उपत्यका लगायत उपत्यका बाहिरका समेत प्रतिस्पर्धीहरूको सहभागिता छ।
प्रतिक्रिया दिनुहोस !
