‘वर्ल्ड गभरमेन्ट्स समिट’ मा प्रधानमन्त्री ओलीलाई युएइको निमन्त्रणा
प्रधानमन्त्री ओलीसँग युएइका राजदूतको भेट
पुष ३, २०८१ बुधबार १२:५४:३६
काठमाडौं : नेपालका लागि संयुक्त अरब इमिरेट्स (युएइ) का राजदूत अब्दुल्ला अल शम्सीले प्रधानमन्त्री केपी शर्मा ओलीसँग आज शिष्टाचार भेट गरेका छन्।
प्रधानमन्त्री निवास, बालुवाटारमा भएको भेटमा दुई देशबीचको आपसी मित्रवत सम्बन्धलाई अझ प्रगाढ र मजबुद बनाउने विषय छलफल भएको प्रधानमन्त्री सचिवालयले जनाएको छ।
यसैगरी दुई देशबीच यसअघि भएका सम्झौताहरुको प्रभावकारी कार्यान्वयन र आगामी दिनमा व्यापार, लगानी, कृषि, जलविद्युत्, पर्यटन, हाइड्रो इनर्जी आदि क्षेत्रमा हुन सक्ने सम्झौता र सहकार्यका विषयमा पनि छलफल भएको थियो ।
प्रतिक्रिया दिनुहोस !
