काठमाडौं : धादिङमा हाइस दुर्घटना हुँदा १६ जना घाइते भएका छन्। काठमाडौंबाट चितवन जाँदै गरेको बा २ ख २८२९ नम्बरको हाइस दुर्घटना हुँदा १६ जना घाइते भएको धादिङ प्रहरीले जनाएको छ।
प्रहरीका अनुसार शुक्रबार दिउँसो ३:३५ बजेतिर धादिङको गल्छी गाउँपालिका-८ गल्छी मोडमा दुर्घटना भएको हो। हाइसमा १६ जना यात्रु सवार रहेकोमा चालकसहित १६ जना घाइते भएका हुन्।
घाइतेहरूलाई उपचारका लागि अम्बेभरोसा अस्पताल गल्छी पठाएको प्रहरीले जनाएको छ। घाइतेहरूको अवस्था केहीको सामान्य र केहीको मध्यम रहेको छ।
हाइसको अचानक ब्रेक फेल भइ अनिन्त्रित हुँदा दुर्घटना भएको प्रहरीको अनुसन्धानबाट खुलेको छ।
प्रतिक्रिया दिनुहोस !
