हातखुट्टाको सौन्दर्य निखार्ने मन छ ? स्वस्थ, नरम र मुलायम हात खुट्टा बनाउन चाहनुहुन्छ भने तपाईंले रोज्न सक्नुहुन्छ, मेनिक्योर र पेडिक्योर सेवा । मेनिक्योर र पेडिक्योरलाई सामान्यतयाः सुन्दरता बढाउने प्रक्रिया मात्र मानिन्छ । तर, यी प्रक्रियाहरू स्वास्थ्यका लागि पनि अत्यन्त आवश्यक छन् । मेनिक्योर भनेको हातका नङ, छाला र क्युटिकलको सफाइ र मालिस गर्ने प्रक्रिया हो ।
त्यस्तै, पेडिक्योर खुट्टाका नङ र छालाको हेरचाह गर्ने प्रक्रिया हो । यी प्रक्रियाहरूले नङ र छालालाई स्वस्थ राख्न मद्दत गर्छ र विभिन्न प्रकारका संक्रमणबाट जोगाउँछ । मेनिक्योर र पेडिक्योर पुरुष र महिलाहरू दुवैका लागि फाइदाजनक छन् । स्वास्थ्यमा सकारात्मक प्रभाव पार्छ । पहिलो लाभ भनेको नङ र छालाको सफाइ हो ।
मेनिक्योर र पेडिक्योरले नङको सफाइ गर्दै ब्याक्टेरिया र फंगस हटाउँछ । जसले गर्दा संक्रमणको सम्भावना कम गर्छ। एक अध्ययनका अनुसार, ८५ प्रतिशत नङ संक्रमणहरू अस्वस्थ नङ हेरचाहका कारण उत्पन्न हुन्छन् । यसले नङ र छालाको स्वास्थ्य सुधार गर्न मद्दत पु¥याउँछ । मेनिक्योर र पेडिक्योर गर्दा रगतको प्रवाहलाई सुधार आउँछ । मेनिक्योर र पेडिक्योरमा हुने मालिसले रगतको प्रवाहलाई २० प्रतिशतसम्म सुधार गर्न सक्छ । जसले मांसपेशीलाई आराम मिल्छ । तनाव घटाउँछ । नियमित रूपमा मेनिक्योर र पेडिक्योर गर्दा शरीरमा भएका विषाक्त पदार्थहरू पनि हट्न सक्छन् ।
पेडिक्योरमा खुट्टाका मृत छालाहरू हटाउने कार्य हुन्छ । जसले गर्दा शरीरको विषाक्त पदार्थको उत्सर्जनमा मद्दत गर्छ ।
मेनिक्योर र पेडिक्योरले मानसिक स्वास्थ्यमा पनि सुधार ल्याउँछ । एक अध्ययनले देखाएको छ कि यी सेवाहरूले तनावलाई ३० प्रतिशतसम्म कम गर्न सक्छ । साथै, मेनिक्योर र पेडिक्योरमा प्रयोग गरिने तेल र मालिसले नङलाई मजबुत बनाउँछ । र खनिजको कमीबाट बचाउँछ । महिला र पुरुष दुवैले यी सेवाहरू लिएर लाभ उठाउन सक्छन् । पुरुषहरूका खुट्टामा प्रायः फंगल संक्रमण र कालो नङको समस्याबाट प्रभावित हुने गर्छन् । जुन पेडिक्योरबाट सजिलै रोक्न सकिन्छ । महिलाहरूले पनि नङमा नेल पालिस लगाउँदा हुने नङको कमजोरीलाई सुधार्न मेनिक्योर गर्नुपर्छ ।
मेनिक्योर र पेडिक्योरका विभिन्न प्रकारहरू उपलब्ध छन् । सामान्य मेनिक्योर–पेडिक्योरमा नङ सफाइ र मालिसको काम गरिन्छ । जबकि स्पा मेनिक्योर र पेडिक्योरमा थप गहिरो मसाज र स्क्रबिङ प्रक्रिया हुन्छ । जेल मेनिक्योर भनेको विशेष जेल पालिस प्रयोग गर्ने प्रक्रिया हो । जुन लामो समयसम्म टिक्छ । आयुर्वेदिक मेनिक्योर र पेडिक्योरमा जडीबुटीजन्य तेल र मसाज प्रयोग गरिन्छ । जबकि डिटक्स पेडिक्योरमा खुट्टाका विषाक्त पदार्थहरू हटाउने विशेष ध्यान दिइन्छ ।
अनेक तथ्यांकहरूले पनि मैनिक्योर र पेडिक्योरको महत्व पुष्टि गर्छ । ६० प्रतिशत वयस्कहरूले जीवनमा कम्तीमा एक पटक नङ संक्रमणको सामना गर्ने अनुमान छ । महिलाहरूको तुलनामा पुरुषहरूमा २० प्रतिशत बढी खुट्टाको नङमा समस्या हुन्छ । अमेरिकामा मात्र मेनिक्योर–पेडिक्योर उद्योगको वार्षिक कारोबार १० अर्ब डलर छ । यी तथ्यांकहरूले मेनिक्योर र पेडिक्योर स्वास्थ्यका लागि फाइदाजनक भएको तथ्यलाई पुष्टि गर्छ ।
मेनिक्योर र पेडिक्योर महिनामा एक पटक व्यावसायिक रूपमा गर्नुपर्छ । जबकि घरमै हप्तामा एक पटक सफा गर्ने बानी बसाल्न सकिन्छ । जसबाट नङ र छालाको हेरचाहमा मद्दत पुग्छ । हातखुट्टालाई स्वस्थ र सुन्दर बनाउन सहयोग पुग्छ ।
मेनिक्योर र पेडिक्योर केवल सुन्दरताको लागि मात्र होइन, स्वास्थ्यका लागि पनि अत्यन्त आवश्यक छन् । मेनिक्योर र पेडिक्योर गर्दा नङ र छालाको हेरचाह हुन्छ । विभिन्न प्रकारका संक्रमणको रोकथाम, रगत प्रवाहको सुधार आउँछ । नङलाई पनि मजबुत बनाउन मद्दत गर्छ । त्यसैले तपाईंले पनि मेनिक्योर र पेडिक्योर गर्ने कि ?
प्रतिक्रिया दिनुहोस !
