रुपन्देही प्रशासनले भन्यो- माघ १५ गतेभित्र घरमा भएका हतियार प्रहरी कार्यालयलाई बुझाउनू
माघ ७, २०८२ बुधबार १३:१:५४
भैरहवा : जिल्ला प्रशासन कार्यालय रुपन्देहीले प्रतिनिधिसभा सदस्यको निर्वाचनलाई मध्यनजर गर्दै इजाजत प्राप्त हातहतियार बुझाउनका लागि आग्रह गरेको छ ।
निर्वाचनलाई भरपर्दो र विश्वसनीय बनाउनका लागि जिल्लाभित्र रहेका इजाजत प्राप्त हातहतियार तथा खरखजानाहरू बुझाउनका लागि आग्रह गरिएको रुपन्देहीका सहायक प्रमुख जिल्ला अधिकारी एवं सूचना अधिकारी मेघनाध पाध्याले जनाए ।
माघ १५ गतेभित्र जिल्ला प्रहरी कार्यालय वा नजिकको प्रहरी इकाइमा हातहतियार बुझाउन सकिने प्रशासनद्वारा जारी सूचनामा उल्लेख छ । बुझाइएको हातहतियार निर्वाचन सम्पन्न भएको एक महिनापछि फिर्ता गर्न सक्ने र नबुझाए कानुन बमोजिम कारवाही हुने जिल्ला प्रशासन कार्यालय रुपन्देहीले जनाएको छ ।
प्रतिक्रिया दिनुहोस !
