काठमाडौं : राष्ट्रपति डोनाल्ड ट्रम्पविरुद्ध अमेरिकाका अधिकांश शहरहरुमा विशाल विरोध प्रदर्शन गरिएको छ । अमेरिकाका अधिकांश शहरहरुमा शनिबार ट्रम्प प्रशासनविरुद्ध प्रदर्शन भएका हुन् । यो ‘नो किङ्स’ र्यालीको तेस्रो चरण भएको बताइएको छ । यसअघि पनि लाखौं मानिसको विरोध प्रदर्शन भइसकेको छ ।
विरोध प्रदर्शनका आयोजकहरुले राष्ट्रपतिको नीतिहरुको विरोध गरेका छन् । उनीहरुले इरानसँगको युद्ध, संघीय आप्रवासन (इमिग्रेसन) कारबाही र बढ्दो महँगीका विषयहरु उठाएका छन् । अमेरिकाका सबै ५० राज्यका ६०० बढी स्थानमा प्रदर्शनको योजना बनाइएको थियो ।
शनिबार न्यूयोर्क, वाशिङ्टन डीसी र लस एन्जलसलगायतका धेरै शहरहरूमा प्रदर्शन भएका थिए । शनिबार दिनभरि अमेरिकाका प्रायः सबै ठूला शहरहरूमा प्रदर्शन भए, जसमा न्यूयोर्क, वाशिङ्टन डीसी र लस एन्जलस प्रमुख थिए । ‘नो किङ्स’ प्रदर्शनको सुरुआत गत वर्ष जुनमा ट्रम्पको जन्मदिनका अवसरमा भएको थियो, जसमा अनुमानित २ देखि ३ लाख मानिसहरूले विभिन्न विरोध प्रदर्शनहरूमा भाग लिएका थिए ।
प्रतिक्रिया दिनुहोस !
