एनिला श्रेष्ठ, कोरियोग्राफर
मैले नौ वर्ष अगाडि विवाह गरेकी हुँ। म र उहाँ (रविन लाकोल) ले प्रेमसम्बन्धलाई विवाहमा परिणत गरेका हौं। लगभग सात, आठ महिना चलेको हाम्रो प्रेमले सार्थक रूप लियो। कामकै सिलसिलामा मैले उहाँलाई भेटेकी थिएँ।
सामान्य चिनजान प्रेममा परिणत भयो। एक दिन सामान्य गफ गर्दागर्दै उहाँले विवाहका लागि प्रस्ताव गर्नुभयो। उहाँको प्रस्ताव राख्ने शैली मलाई एकदमै मनपर्यो।
मनले त उहाँको प्रस्ताव सीधै स्वीकार गरिसकेको थियो तर मुखले भन्न केही समय मागेँ। लामो समय नपर्खाइ केही दिनमै मैले उहाँको प्रस्ताव स्वीकार गरेँ। परिवारमा पनि कुराकानी भयो। परिवारलाई मनाउन खासै अप्ठ्यारो परेन।
प्रेम र विवाहका बारेमा बुझ्ने परिवार भएकाले परिवारमा असजिलो महसुस भएन। प्रेमीको रूपमा उहाँ जति सहयोगी हुनुहुन्थ्यो, श्रीमान्को रूपमा पनि त्यस्तै व्यवहार पाएँ।
शारीरिक निकटताले प्रेमलाई अझ मीठो बनायो। विवाहको एक साता पनि नबित्दै डेनमार्क गयौं। उहाँको पढाइको सिलसिलामा त्यहाँ गएका थियौं। तर त्यो यात्रा हाम्रो लागि हनिमुनजस्तै भयो।
मन परेको मान्छेसँग नयाँनयाँ ठाउँ घुम्न पाउँदाको क्षण शब्दमा कसरी भन्न सकिन्छ र ? हनिमुनले नयाँ जोडीलाई एकअर्कालाई बुझ्ने अवसर प्रदान गर्छ। यो समय कुनै पनि जोडीले गुमाउनु हुँदैन जस्तो लाग्छ।
एकअर्कालाई हामीले राम्ररी बुझेकाले फिल्मी जीवनमा भन्दा वास्तविक जीवनमा बाँच्न चाहन्छौं। विदेशमा रहँदा घुमघाम गरी रमाइलोका साथ समय बितायौं। म आफूलाई अलि फेसनेबल भन्न रुचाउँछु।
विवाहको एक साता नबित्दै हामी डेनमार्क गयौं। उहाँ (रविन लाकोल)को पढाइको सिलसिलामा त्यहाँ गएका थियौं। त्यो यात्रा हाम्रो लागि हनिमुनजस्तै भयो। मन परेको मान्छेसँग नयाँ ठाउँ घुम्न, सँगै समय बिताउन पाउँदाको क्षण शब्दमा कसरी भन्न सकिन्छ र?
क्याजुअल पहिरनमै हिँड्थेँ। शाकाहारी भोजन गर्ने भएकाले मेरो लागि अलि गाह्रो थियो। मेरो बर्थ डेमा उहाँ आफैंले केक बनाएर सरप्राइज दिनुभएको थियो। उमेर मिलेकाले होला अहिले पनि हामी उत्तिकै रोमान्टिक शैलीमा समय विताइरहेका छौं।
प्रेम गर्दा र विवाहपछि पनि हाम्रो सम्बन्ध उस्तै छ। केही बदलिएजस्तो लाग्दैन। अहिले पनि समयसमयमा काठमाडौं बाहिर घुम्न गइरहन्छौं। हरेक पाइलामा उहाँको साथ पाएर जीवनमा यो स्थान हासिल गर्न सफल भएकी छु।
एकअर्काको लागि अझै पहिलेजस्तै भावना छ। प्रेमसम्बन्धमा रहँदा फिल्म हेर्न गएको, कफी खाएको क्षणलाई रमाइलो समयको रूपमा सम्झिरहन्छु। उहाँ आफ्नो कुरा सीधै भन्नुहुन्न। आफैं बुझेर उहाँको लागि कहिलेकाहीँ सरप्राइज प्लान गरिरहन्छु।
प्रतिक्रिया दिनुहोस !
