काठमाडौं: भारतको जम्मु कश्मिरमा शनिबार भएको आतंकवादी आक्रमणमा कम्तिमा आठजना भारतीय फौजका जवान मारिएका छन् ।
दक्षिणी कश्मिरको पम्पोरमा शनिबार आतंकवादीले सीआरपीएफका जवानहरु सवार बसमा धावा बोल्दा यो घटना भएको हो ।
आतंककारीहरुको यो हमलामा कम्तिमा २० जना भारतीय फौजका जवान गम्भीर घाइते भएका छन् ।
आक्रमणपछि भएको भीडन्तमा सीआरपीएफका जवानले दुईजना आतंकारीलाई मार्न सफल भएको भारतीय सञ्चारमाध्यमले जनाएका छन् ।
जानकारी अनुसार श्रीनगरतर्फ गइरहेको बसमा सीआरपीएफका जवान सवार थिए । त्यही क्रममा बाटोमै ढुकेर आतंकारीहरुले धावा बोलेका थिए ।बसमा सवार सुरक्षाकर्मीमाथि धावा बोलेपछि भीडन्त भएको थियो ।
सीआरपीएफका कमान्डेट राजेश यादवले बताए अनुसार आफ्ना जवानहरु फायरिङ्ग रेन्ज अभ्यासपछि फर्कने क्रममा आक्रमण भएको हो ।यसै क्रममा आठजना मारिएका हुन् भने घाइते भएकाहरुलाई उपचारका लागि अस्पताल लगिएको छ ।
प्रतिक्रिया दिनुहोस !
