अमेरिकामा फेरि गोली प्रहार, तीन प्रहरीको मृत्यु
एजेन्सीः अमेरिकाको लुइसियाना प्रान्तको एक सपिङ महलमा भएको अन्धाधुन्द गोली प्रहारबाट तीन प्रहरी अधिकारीको मृत्यु भएको छ ।
सपिङ सेन्टरको सुरक्षार्थ खटिएका प्रहरीलाई गोली प्रहार भएको थियो । गोली लागेर तीन प्रहरीको घटनास्थलमै मृत्यु भएको थियो ।
कालो कपडा लगाएर आएका नकाबधारीहरुले प्रहरीलाई निशाना बनाएर गोली हानेका थिए ।
प्रहरीले गरेको जवाफी फायरिङमा एक आक्रमणकारीको ज्यान गएको छ ।
यस अघि असार २४ गते शुक्रबार प्रहरीको विरोधमा अमेरिकाकै डलासमा निकालिएको र्ंयालीमा भएको गोली प्रहारबाट चार प्रहरी अधिकारीले ज्यान गुमाएका थिए ।
अमेरिकी प्रहरीले दुई अश्वेत नागरिकलाई गोली प्रहार गरी हत्या गरेपछि त्यसको विरोधमा विभिन्न सहरहरुमा प्रदर्शन भइरहेको छ । सोही प्रदर्शनका क्रममा आक्रमणकारीले प्रहरीलाई लक्षित गरी आक्रमण गरिरहेको छ । सोही आक्रमणका कारण अमेरिकामा पछिल्लो समय असुरक्षा बढेको छ ।
प्रतिक्रिया दिनुहोस !
