सनराइज बैंकको अभिमुखीकरण कार्यक्रम
काठमाडौंः सनराइज बैंक लिमिटेडले आधारभूत कर तथा लेखा नीतिसम्बन्धी अभिमुखीकरण कार्यक्रम आयोजना गरेको छ ।
शुक्रबार आयोजित उक्त कार्यक्रम बैंकका प्रमुख कार्यकारी अधिकृत रत्नराज बज्राचार्यले उद्घाटन गरेका थिए । कार्यक्रममा स्रोत व्यक्तिको रूपमा चार्टर्ड एकाउन्टेन्ट सुदर्शनराज पाण्डे उपस्थित थिए ।
यस कार्यक्रमले परम्परागत रूपमा प्रदान गर्दै आएका वित्तीय सेवामा मात्र सीमित नरहेर आधुनिक सूचना प्रविधिको विकास, व्यवसाय सञ्चालनमा पर्न सक्ने समस्या र व्यवसाय सञ्चालनपूर्व अपनाउनुपर्ने सामान्य विधिका साथै व्यवसाय विस्तार गर्न मद्दत पुग्ने बज्राचार्यले बताए ।
कार्यक्रममा सामान्य लेखाशास्त्रका सिद्धान्त, चालू पुँजी व्यवस्थापनका आधारभूत नियम, सरकारको कर नीति, कर विवरण तयार गर्दा ध्यान दिनुपर्ने सामान्य कुरा, कर दाखिला तथा चुक्ता प्रमाण र व्यवसाय सञ्चालन गर्दा ध्यान दिनुपर्ने कुराका बारेमा जानकारी प्रदान गरिएको थियो । बैंकले भविष्यमा अझ सशक्त भूमिका निर्वाह गरी थप कार्यक्रम सञ्चालनमा ल्याउने जनाएको छ ।
प्रतिक्रिया दिनुहोस !
