दाउराले हिर्काएर छोराले गरे बाबुको हत्या
घोराहीः घरायसी विवादमा एक व्यक्तिले आफ्नै बाबुको हत्या गरेका छन्।
घरमा झगडा भएपछि दाङको हाँसिपुर गाविसका हसन मियाले घरेलु हतियार तथा दाउराले हिर्काएर आफ्ना ५५ वर्षीय बाबु अमिन मियाको हत्या गरेको प्रहरीले जनाएको छ।
हत्या आरोपी २६ वर्षीय हसन अहिले फरार छन्। उनको खोजी भइरहेको जिल्ला प्रहरी प्रमुख धिरजप्रताप सिंहले बताए। अमिनको घाँटी र टाउकोमा गहिरो चोट लागेको छ।
प्रहरीका अनुसार हसनको मानसिक स्थिति ठीक नभएको र केही समयदेखि घरमा बाबु छोराको निरन्तर विवाद हुँदै आएको थियो।
शुक्रबार साँझ घरमा विवाद भएपछि हसनले आफ्ना बाबुलाई हतियारले हिर्काएको प्रहरीले बताएको छ।
प्रतिक्रिया दिनुहोस !
