गगन थापासहित आजै कांग्रेसका ११ मन्त्री
काठमाडौँ: कांग्रेसले सरकारमा सहभागि हुने मन्त्रीहरु बुधबार बठाउने भएको छ । सरकारमा सहभागि हुने मन्त्रीको नाम टुंगो लगाएर बुधबार साँझ सपथ गराउने तयारी गरिएको छ ।
सभापति शेरबहादुर देउवाले सरकारमा सहभागि हुने मन्त्री चयन गरिसकेका बताउदै बुधबार सपथ हुन सक्ने बताए । ‘मन्त्री छनोटमा कांग्रेसमा कुनै विवाद छैन, चाँडै मन्त्री पटाउछौँ’ महामन्त्री शशांक कोइरालाले आफ्नै निवास टोखामा आयोजना गरको चियापना कार्यक्रममा संचारकर्मीहरुसँग देउवाले भने ।
देउवा शुक्रबार उपचारका लागि सिंगापुर जाने र बिहीबार सार्वजनिक विदा भएकाले पनि बुधबार सरकारमा सहभागी मन्त्री पठाउने तयारी गरेका हुन् ।
देउवाले नेता कृष्णप्रसाद सिटौला र खुमबहादुर खड्काको सिफारीसमा एक÷एक जना र नेता रामचन्द्र पौडेलको सिफारीसमा तीन वा चार जना मन्त्री बनाउने भएका छन् ।
स्रोतका अनुसार देउवाले अर्जुननरसिह केसी, प्रकाशसरण महत, बालकृष्ण खाँड र जीवनबहादुर शाहीलाई सरकारमा पठाउने लगभग टुंगो लगाईसकेका छन् । केसीलाई शिक्षा, महतलाई परराष्ट्र, खाँडलाई रक्षा र शाहीलाई पर्यटन मन्त्रालयको जिम्मेवारी दिनसक्ने सम्भावना छ । त्यस्तै मिनबहादुर विश्वाकर्मा वा केशवकुमार बुढाथोकी मध्य एक जना पनि मन्त्री हुने भएका छन् । त्यस्तै मुश्लिमबाट फरमुल्लाह मन्सुर पनि मन्त्री हुने सम्भावना छ ।
त्यस्तै, नेता पौडेलबाट सीतादेवी यादव र दिपक गिरी मन्त्री हुने लगभग निश्चित भएको छ । यादवलाई वन र गिरीले श्रम मन्त्रालय पाउने सम्भावना छ । त्यस्तै रोमी गौचन र नविन्द्रराज जोशीको पनि सम्भावना देखिएको छ ।
यता नेता कृष्णप्रसाद सिटौलाबाट भने गगन थापा मन्त्री हुने सम्भावना छ । थापाले शहरी विकास मन्त्रालय पाउनु पर्ने दावी गरेका छन् ।
त्यस्तै, नेता खड्काबाट मोहोनबहादुर बस्नेत वा शंकर भण्डारी मध्ये एक जना मन्त्री हुन सक्ने बताइएको छ । स्रोतका अनुसार सरकारमा सहभागि हुने राज्य मन्त्रीहरु भने देउवा सिंगापुरबाट फर्किएपछि मात्रै पठाउने तयारी छ ।
कांग्रेसले पाएको १३ मन्त्रालयमा उपप्रधान र गृहसहित बिमलेन्द्र निधि र भैतिक पूर्वाधार तथा यातयातमा रमेश लेखकले यसअघिनै सपथ खाईसकेका छन् भने अव ११ जना मन्त्री मात्रै पठाउन बाँकी छ ।
कांग्रेसले मन्त्री पठाउदा समावेशी सिद्धान्तलाई मुख्य आधार बनाउने भएको छ । त्यस्तै नयाँ संविधान अनुसार प्रत्येक प्रदेशबाट कम्तिमा एक जना नछुटाउने नीति पनि मन्त्री छनोटमा लिइएको छ ।
प्रतिक्रिया दिनुहोस !
