कलर्सका नयाँ प्रविधियुक्त मोबाइल
काठमाडौंः कलर्सले नेपाली बजारमा नयाँनयाँ प्रविधियुक्त स्मार्टफोन सार्वजनिक गरिरहेको छ । कम्पनीले ग्राहकलाई लक्षित गरेर विभिन्न योजना पनि सार्वजनिक गरिरहेको छ ।
फोर्थ जेनेरेसनका स्मार्टफोन १२ हजार पाँच सयदेखि १६ हजारसम्ममा उपलब्ध गराइरहेको कम्पनीले पछिल्लो समय आफ्नो उत्पादनलाई प्रविधि मैत्री र आकर्षक डिजाइनका साथ बजारमा ल्याएको छ ।
कम्पनीले थोरै मूल्यमा गुणस्तरीय स्मार्टफोन ग्राहकलाई उपलब्ध गराउँदै आएको छ । यही क्रममा ग्राहकको रोजाइलाई ध्यानमा राखेर कलर्सले विभिन्न सिरिजका मोबाइलको मूल्य आठदेखि १० प्रतिशतले कम गर्नुका साथै विभिन्न ‘अफर’ पनि सार्वजनिक गरेको कम्पनीले जनाएको छ ।
कलर्स मोबाइल इ१५ सिरिजको स्मार्ट फोन अब ग्राहकले १२ हजार चार सय ९५ मा प्राप्त गर्न सक्नेछन् । साथै फोनमा ६ महिनासम्म सट्टा गर्ने ग्यारेन्टी पनि छ । कलर्सको इ २० सिरिजको १५ हजार नौ सय ९५ पर्ने फोन १३ हजार नौ सय ९५ मा प्रदान गरिरहेको छ ।
त्यस्तै ग्राहकको आकर्षणलाई ध्यानमा राख्दै कलर्सले के३ सिरिजको मूल्य १७ हजार चार सय ९५ बाट घटाएर १५ हजार नौ सय ९५ कायम गरेको कम्पनीले जनाएको छ । यो मोबाइलको खरिदमा ग्राकहले १० हजार मिलिएम्पेयर आवर क्षमताको पावर बैंक निःशुल्क प्राप्त गर्ने कम्पनीले जनाएको छ ।
प्रतिक्रिया दिनुहोस !
