ग्लोबल आईएमई र अरुण इन्टरकन्टिनेन्टलबीच सम्झौता
काठमाडौंः ग्लोबल आईएमई बैंक र अरुण इन्टरकन्टिनेन्टल ट्रेडर्सबीच सम्झौता भएको छ ।
अरुणका ग्राहकलाई सहजै अटो लोन प्रवाह गर्ने उद्देश्यले उक्त सम्झौता गरिएको हो । सम्झौतापत्रमा ग्लोबल आईएमई बैंकका तर्फबाट मुख्य प्रबन्धक सुरेन्द्रराज रेग्मी र अरुण इन्टरकन्टिनेन्टल ट्रेडर्सको तर्फबाट महाप्रबन्धक मनिषकुमार जैनले हस्ताक्षर गरेका छन् ।
सम्झौताअनुसार अरुण इन्टरकन्टिनेन्टल ट्रेडर्स र त्यसअन्र्तगतका अन्य कम्पनीबाट खरिद गरेका सुजुकी ब्रान्डका गाडीमा ग्लोबल आईएमई बैंकले आकर्षक ब्याजदरमा बढीमा सात वर्षका लागि ८० प्रतिशतसम्म कर्जा प्रवाह गर्ने जनाएको छ ।
सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले बैंकले ९१ वटा शाखा, ६ वटा एक्सटेन्सन काउण्टर, एक सय दुई एटीएम र ४२ वटा शाखारहित बैंकिङ सञ्जालमार्फत सेवा दिँदै आएको छ ।
प्रतिक्रिया दिनुहोस !
