स्पोर्टी स्कुटर ‘रे जेडआर’ बजारमा
काठमाडौंः नेपालका कालागि यामाहा मोटरसाइकलको आधिकारिक बिक्रेता एमएडब्लू इन्टरप्राइजेजले नाडा अटो सोमार्फत मंगलबार नयाँ स्कुटर ‘रे जेडआर’ सार्वजनिक गरेको छ ।
यो स्कुटर ‘स्पोर्टी र हेभी’ स्कुटरमा बलियो फ्रन्ट मास्क, सीधा रेखा र गतिको आभाष दिलाउने ग्राफिक्स कोरिएका छन् । रे जेडआरमा एअर कुल्ड ४-स्ट्रोक, एसओएचसी, सीभीटीजडित ११३ सीसी ‘ब्लु कोर’ इन्जिन जडान गरिएको छ ।
यसले ६६ किलोमिटर प्रतिलिटर माइलेज प्रदान गर्ने कम्पनीले जनाएको छ । कार्यक्रममा एमएडब्लूको सेल्स एन्ड बिजनेस डेभलपमेन्ट–एजीएम दिपक रौनियारले फेसिनो सार्वजनिक गरेपछि हाम्रो स्कुटर बिक्री तीव्र बढेको बताउँदै रे जेडआर ल्याएपछि कम्पनी थप उत्साहित भएका बताएका छन् ।
यो स्कुटरमा ‘कि सटर लकिङ सिस्टम’ राखिएको छ । यसले स्कुटर चोरी हुनबाट बचाउँछ ।
यसमा प्रयोग गरिएको चुच्चो टेल लाइटले स्कुटरलाई थप आकर्षक बनाएको छ । पछाडिको साइट लाइट बडीबाट बाहिर निस्कने गरी डिजाइन गरिएको छ जसले यसलाई स्पोर्टी देखाउने कम्पनीले जनाएको छ ।
प्रतिक्रिया दिनुहोस !
