काठमाडौः हामा आइरन एन्ड स्टिल इलेक्ट्रोनिक्स प्रालिले नेपली बजारमा उत्कृष्ट उत्पादन ग्राहकमाझ ल्याउँदै आएको छ ।
प्रारम्भमा ६ हजार मेट्रिक टन वार्षिक उत्पादन क्षमता रहेकोमा हाल यस उद्योगले विभिन्न चरणमा विविधीकरण एवं विस्तृतीकरणपश्चात् एक लाख ५० हजार मेट्रिक टन पुर्यार्ई सञ्चालनको २५औं वर्षमा प्रवेश गरेको छ ।
उद्योग सञ्चालनको प्रारम्भदेखि नै पुल, सडक, भवन निर्माणजस्ता महत्वपूर्ण विकास कार्यका लागि उच्च गुणस्तरीय फलामे छड मेरुदण्ड नै हुने सत्यतालाई हृदयंगम गरेको कम्पनीले जनाएको छ ।
कम्पनीले राष्ट्रिय एवं अन्तर्राष्ट्रिय मापदण्डलाई ध्यानमा राख्दै समयसमयमा विभिन्न आधुनिक प्रविधिको प्रयोगलगायत गुणस्तर वृद्धिका लागि सुधार एवं मानव संसाधन विकासका लागि ठूलो लगानी गरिरहेको जनाएको छ ।
कम्पनीका अनुसार हाम्रा उत्पादनप्रति ग्राहकमा बढ्दो माग एवं गुणस्तरीयताप्रतिको चाहना परिपूर्ति गर्न सफल भएको छ । साथै भविष्यमा यस उद्योगले आफ्ना ग्राहक वर्गको चाहना एवं सन्तुष्टिका लागि समयसापेक्ष उद्योगको विस्तार एवं विकासका लागि विगतमा झैं प्रतिबद्ध रहने जनाएको छ ।
प्रतिक्रिया दिनुहोस !
