सीटीसी मोबाइल एक्स्पो हुने
काठमाडौः मुलुककै सर्वाधिक ठूलो सीटीसी मोबाइल बजारमा नेपालीको महान चाड विजयादशमीको अवसरमा आकर्षक छुट र सुबिधासहितको मोबाइल एक्स्पो आयोजना हुने भएको छ ।
भीडभाड र कोलाहलयुक्त वातावरणबाट मुक्त हुँदै पार्किङको झन्झट बिर्साउँदै विगत एक वर्षदेखि सञ्चालनमा रहेको सीटीसी मोबाइल बजारले विजयादशमीको अवसर पारेर मोबाइल पारखीका लागि सामसुङ मोबाइल जे २ सीटीसी मोबाइल एक्स्पो २०१६ आयोजना गर्न लागेको हो ।
असोज ७ गतेदेखि असोज १५ गतेसम्म आयोजना गर्न लागिएको एक्स्पो २०१६ को मुख्य प्रायोजक सामसुङ मोबाइल छ । एक्स्पो सीटीसी मलको ग्राउन्ड फ्लोर तेस्रो, चौथो र पाँचौ तल्लामा हुने आयोजकले जनाएको छ ।
एकै छानामुनि डेढदर्जन मोबाइल कम्पनीले सर्भिस सेन्टर सञ्चालनमा ल्याएको मोबाइल बजारमा जियोनी, लाभा, कार्बन, पानासोनिक, स्पाइस, हुवावे, माइक्रोम्याक्स, वनप्लस वन, एमआई, सामसुङ, सेल्कन, टचकन, किवी, वीनकम, फ्लाई, ओबीआई स्पाइस र जोप्पो मोबाइलले आफ्नो सर्भिस दिइरहेका छन् । साथै कलर्स, जोप्पो र लक्ष्मी गु्रपद्वारा प्रवद्र्वित मोबाइलको सर्भिस सेन्टर चाँडै नै खुल्ने आयोजकले जनाएको छ ।
प्रतिक्रिया दिनुहोस !
