सुरु भयो ‘मन खोलौं कोकसँग’ अभियान
काठमाडौः कोकाकोलाले ‘मन खोलौं कोकसँग’ नामक नयाँ अभियान सुरु गरेको छ । यो अभियानको घोषणा सीएनएन हिरो अनुराधा कोइरालाले बोतल उपहार लिँदै बुधबार गरिन् ।
कम्पनीले आउँदै गर्दा चाडपर्वलाई लक्षित गरेर जीवनको १५ महत्वपूर्ण सम्बन्धलाई दर्साउने गरी १५ वटा सन्देशसहितका नयाँ लेबल प्याक सार्वजनिक गरेको छ ।
कम्पनीका अनुसार विभिन्न १५ वटा नयाँ लेबलको सहयोगमा ग्राहकले आफ्ना प्रियजनसँग आफ्नो भावना साट्न सक्नेछन् । परिवार, आफन्त वा साथीभाइका लागि उपभोक्ताले आफूले चाहेको प्याक खरिद गरेर सन्देशसहित उपहार प्रदान गर्न सक्ने कम्पनीले जनाएको छ ।
कोकाकोला नेपालका निर्देशक आलोक कोहलीले दसैं आशीर्वाद थाप्ने तथा एकआपसमा जोडिने महोत्सव भएको बताए । उनले कोकाकोलामार्फत आफ्ना उपाभोक्तालाई साथी तथा परिवारसँग जोडिन सहयोग गर्न चाहेको बताए ।
कम्पनीले परम्परागत कोक लेबल यो वर्ष हटाएको छ र हरेक मानिसको जीवनमा प्रभावित पार्ने बुवा, दाजुलगायतका विशेष सम्बन्धलाई सम्मानले प्रतिस्थापन गरेको जनाएको छ ।
प्रतिक्रिया दिनुहोस !
