नेपालमा रोयल इन्फिल्ड लोकप्रिय

रोयल इन्फिल्डका लागि नेपाल कस्तो बजार हो ?

नेपाल रोयल इन्फिल्डका लागि राम्रो बजार हो । नेपाली युवाले यो बाइक रुचाएका छन् । हामीले अहिलेसम्म दुईवटा सोरुम खोलिसक्यौं । आगामी मार्चसम्म आठवटा सोरुम पुर्‍याउने लक्ष्य छ । काठमाडौंबाहिर पनि रोयल इन्फिल्डका सोरुम हुनेछन् । सोरुम विस्तारसँगै बाइकको बिक्री अझ बढ्ने हाम्रो विश्वास छ ।

नेपालमा तपाईंहरूको लक्षित वर्ग कुन हो ?

हाम्रो लक्षित वर्ग बाइकका पारखी युवा हुन् । खासगरी १८ देखि ४० वर्षसम्मका युवालाई टार्गेटमा राखेका छौं । एडभेन्चर्स टुर गर्न रुचाउनेहरू हाम्रा बढी ग्राहक हुने गरेका छन् । नेपालमा पनि एडभेन्चर्स टुर गर्ने युवा बढिरहेका छन् ।

नेपालमा रोयल इन्फिल्ड कति बिक्री भयो ?

अहिलेसम्म नेपालमा सात हजार रोयल इन्फिल्ड बाइक बिक्री भइसकेको छ । नेपालमा हरेक महिना बाइकको बिक्री बढिरहेको छ । अझ हामी सोरुम थपेर नेटवर्क विस्तार गर्दैछौं । यसले बाइक बिक्री झनै बढाउनेछ ।

कम्पनीले नेपाललाई कसरी हेरिरहेको छ ?

नेपाल रोयल इन्फिल्डको महत्वपूर्ण मार्केट हो । त्यही भएर हामीले नेटवर्क विस्तारमा जोड दिएका हौं । भारतपछि सबैभन्दा पहिला बाइक नेपालमा सार्वजनिक गर्छौं । नेपालमा बाइक टुरमा जानेहरू बढेका छन् । भारतबाट समेत नेपालमा बाइक टुरमा आउने गर्छन् । यो पनि टुर बाइक हो । साहसिक टुरका लागि नेपाल सबैभन्दा उत्तम मुलुक हो । त्यही भएर हामीले नेपाललाई प्राथमिक बजारका रूपमा लिइरहेका छौं ।

रोयल इन्फिल्ड कस्तो बाइक हो ?

रोयल इन्फिल्ड एडभेन्चर्स राइडिङ बाइक बाइक हो । अफरोडमा कुदाउन उक्तम छ । शक्तिशाली इन्जिन र मेटल बडी भएकाले नेपाली सडक सुहाउँदो छ । यसले साहसिक पर्यटन प्रवद्र्धनमा समेत सघाउँछ । नेपालमा रोयल इन्फिल्ड क्लबले विभिन्न ठाउँमा साहसिक टुर गराउँदै आएको छ ।

ग्राहक कत्तिको सन्तुष्ट छन् ?

ग्राहक सन्तुष्ट छन् । त्यही भएर यो बाइकको माग पनि बढिरहेको छ । भारतबाट ५० मुलुकमा रोयल इन्फिल्ड पुग्छ । हामीले महिनामा ५५ हजार बाइक बिक्री गर्छौं । माग बढेपछि भारतमा हामी तेस्रो प्लान्ट खोल्दैछौं । नेपालमा ६ वटा सोरुम विस्तार गर्दैछौं । यसको माग बढेकै कारण लगानी बढाउन लागेका हौं ।

नेपामला कति मोडल उपलब्ध छन् ?

भारतीय बजारमा रहेका सबै मोडल नेपालमा उपलब्ध छन् । रोयल इन्फिल्ड आठ मोडलमा उपलब्ध छ । सबै मोडल नेपालमा उपलब्ध छन् । हिमालयन मोडल पनि भारतपछि नेपालमा सार्वजनिक गरेका हौं । त्यसपछि बिस्तारै अन्य मुलुकमा पठाउने हाम्रो योजना छ ।

हिमालय सबैभन्दा पहिला नेपाल भित्र्याउनुको कारण के हो ?

नेपालमा भारतसँग नजिकै रहेको मुलुक हो । यहाँ रोयल इन्फिल्डका ग्राहक ब्ढिरहेका छन् । रोयल इन्फिल्ड चलाउन नेपाल सबैभन्दा उत्तम मुलुक हो । हामीले सबैभन्दा पहिला नेपालमा बाइक भित्र्याउँछौं । यो बाइक हिमालयमा कुदाउन बनाएको हो । हिमालयको मुलुक नेपालमा पहिला नभिœयाएर कहाँ भिœयाउनु र ? हामीले यसअघिका मोडल पनि पहिला नेपालमै भित्र्याएका थियौं ।