काठमाडौं: एनआईसी एसिया बैंकले 'डबल डिपोजिट' योजना सार्वजनिक गरेको छ । यस योजनाको लक्ष्य एनआईसी एसिया बैंकका व्यक्तिगत ग्राहकले १२ वर्ष अवधिका लागि न्यूनतम एक लाखदेखि निक्षेप जम्मा गर्न सक्नेछन् । यसरी जम्मा भएको निक्षेपको ब्याज आम्दानीले जम्मा भएको रकम सो अवधिमा दोब्बर हुने बैंकले जनाएको छ ।
ग्राहकलाई निक्षेपमा थपघट हुन सक्ने ब्याज दर तथा ब्याजको जोखिमले योजनालाई कुनै असर नपर्ने सुनिश्चितता प्रदान गर्ने बैंकले जनाएको छ । बचत खाता सुविधासहितको यो योजनाले तुरुन्तै बिनाझन्झट आवश्यकताअनुसार ओभरड्राफ्ट उपभोग गर्ने सुविधा प्रदान गर्छ ।
यस निक्षेप योजनामा शून्य मौज्दात, क्रेडिट कार्ड सुविधा, दुर्घटना मृत्यु बिमा, निःशुल्क डेबिट कार्ड, इन्टरनेट र एसएमएस बैंकिङ सुविधासमेत रहेको बैंकले जनाएको छ ।
प्रतिक्रिया दिनुहोस !
