कलिलै उमेरमा मैले यस विद्यालयमा आफ्ना पाइला राखेकी थिएँ र समय बित्दै गयो । त्यसैगरी मेरो विद्यालयले मलाई नयाँ अस्तित्व प्रदान गरेको छ । आज भीएस निकेतन मेरो गौरव बन्न पुगेको छ । मीनभवनमा अवस्थित यो विद्यालय राष्ट्रका अनेकौं सर्वोत्कृष्ट विद्यालयमा मेरो यात्रा २०६४ सालदेखि सुरु भएको नौ वर्षको यात्रामा मैले तीतामीठा अनुभवहरू बटुलेकी छु ।
भीएस निकेतन पढ्नु मेरो लागि गर्वको कुरा हो । भीएस निकेतनमै पढेर आज म यति सक्षम बन्न पुगेकी छु । कक्षा १ देखि कक्षा ९ सम्म पढ्दा मैले आफूमा धेरै फरक फेला परेकी छु । सानो छँदा मलाई ठूलो भीडमा बोल्न डर लाग्थ्यो भने अहिले मैले सजिलै कुनै पनि ठाउँमा गएर बोल्न सक्ने योग्यता बटुलेकी छु ।
र यो सबै मेरो विद्यालयको कारणले हो । यहाँको सुन्दर वातावरणले मलाई हरेक पक्षमा उत्प्रेरित गरेको छ । यस विद्यालयले म जस्ता अनेकौं विद्यार्थीलाई नयाँ सोच, नयाँ खोज र नयाँ बाटोतिर अग्रसर हुने मौका प्रदान गरेको छ । यस विद्यालयले अनेकौं युवावर्ग कर्तव्यनिष्ठ र सक्षम नागरिक तयार पारेको छ ।
त्यसैले म यस विद्यालयमा अध्ययन गर्न पाउँदा अत्यन्तै गौरवान्वित महसुस गर्दछु । आज म जे छु, जस्तो छु जुन ठाउँमा छु त्यसको सबै श्रेय मेरो विद्यालयलाई दिन चाहन्छु ।
निश्मा भण्डारी कक्षाः ९ (सी)
प्रतिक्रिया दिनुहोस !
