बिरामी माग्नेबुढाले यसरी गरे मन्त्रीलाई घोचपेच (भिडियो)
काठमाडौँ: हास्य कलाकार केदार घिमिरे ‘माग्नेबुढा’ विगत चार महिनादेखि बिरामी छन् । पेटको समस्याका कारण थला परेका उनी आफैँले गाएको गीतको म्युजिक भिडियोमा देखिएका छन् ।
केही वर्ष अगाडि रेकर्ड गरिएको ‘मन्त्रीको ‘सालो’ बोलको व्यंग्यात्मक गीतमा उनी पनि देखिएका हुन् । स्वास्थ्य स्थितिमा केही सुधार भएपछि उनले भिडियोका लागि केही दृश्य दिएका छन् ।
पूर्ण रुपमा सन्चो नभएकाले माग्नेबुढा आफैँ मन्त्रीको सालोका रुपमा प्रस्तुत हुन भने सकेका छैनन् । मन्त्रीलाई घोचपेच गरिएको यस गीतका शब्द सिर्जना माग्ने बुढा आफैँले गरेका हुन् भने गीतमा हरि लम्सालको संगीत छ ।
दीपक आचार्यको निर्देशनमा म्युजिक भिडियो तयार भएको हो । भिडियोमा माग्नेबुढासँगै दीपक आचार्य, विनोद राई (घ्याम्पे सुब्बा), बेगम नेपाली (भटभटे), दिनेश काफ्ले, सुबोध गौतम, सुनिता ठाकुर, भरत बस्नेतलगायत देखिएका छन् । गोकुल अधिकारीको छायांकन र अमन मानन्धरको सम्पादन रहेको व्यंग्यात्मक गीतको भिडियो हेर्नुहोस्ः
प्रतिक्रिया दिनुहोस !
