बर्जर रङ फ्युजनका विजेता घोषणा
काठमाडौः बर्जर पेन्ट्सले बर्जर फ्युजनको विजेताको घोषणा गरेको छ । विजेताको घोषणा लक्की ड्रबाट गरिएको थियो । निर्णायक मण्डलीबाट छानिएका उत्कृष्ट दुई सय घरमध्येबाट ११ जना विजेताको नाम लक्की ड्रमार्फत निकालेको कम्पनीले जनाएको छ ।
विजेतामध्ये काठमाडौंका शन्त गिरीले बम्पर उपहारस्वरूप पल्सर २२० सीसी बाइक जितेका छन् । विराटनगरका भक्तबहादुर खत्री र काठमाडौंकी राधिका भेटवालले एकएक थान डियो स्कुटर जितेका छन् । यसैगरी बुटवलका त्रिलोचन ज्ञवाली, अनुलमान सिंह र विराटनगरका खिलनाथ दाहालले सामसुङ ग्यालेक्सी एस ६ एज स्मार्टफोन जितेको कम्पनीले जनाएको छ ।
यसका साथै काठमाडौंका कृष्णकुमार लामा, जनकपुरका महाशंकर साह, विराटनगरका गणेश कार्की, नेपालगन्जकी सबिना शाही र काठमाडौंका रमेश थापाले एकएक थान सामसुङ ग्यालेक्सी ए ७ जितेका छन् । कार्यक्रममा कम्पनीले सहरोन्मुख सहरबाट योजनामा सहभागी २१ उत्कृष्ट घरधनीको पनि घोषणा गरेको छ । उनीहरूले सामसुङ ग्यालेक्सी जे ७ जितेको कम्पनीले जनाएको छ ।
प्रतिक्रिया दिनुहोस !
