काठमाडौं: साउथ वेस्टर्न स्टेट कलेज तथा नर्वेजियन साइन्टिफिक रिसर्च इन्स्टिच्युटको संयुक्त आयोजनामा काठमाडौंमा अन्तर्राष्ट्रिय उद्यमी सम्मेलन आयोजना भएको छ । नेपालको विकासमा नवीन कार्य र उद्यमशीलतालाई कसरी सहयोग गर्न सकिन्छ भन्ने विषयमा बिहीबार कार्यक्रम भएको हो ।
कार्यक्रममा नर्वेका प्राध्यापक डा. जना उर्वन स्यान्डलले सामाजिक उद्यमशीलताको विश्व प्रवृत्तिबारे चर्चा गर्दै यसको नेपालमा आवश्यकताबारे बताएका थिए । उनले सामाजिक उद्यमशीलताबारे साउथ वेस्टर्न कलेजमा १० दिने डिप्लोमा कोर्ससमेत गराएका थिए । कार्यक्रममा महिला सशक्तीकरण, इनोभेसन म्यानेजमेन्टलगायतका विषयमा कार्यपत्र प्रस्तुत गरिएको थियो ।
प्रतिक्रिया दिनुहोस !
