काठमाडौं: होटल संघ नेपाल (हान) को अध्यक्षमा अमरमान शाक्य चयन भएका छन् । राजधानीमा सम्पन्न हानको ४५औं वार्षिक साधारणसभाले नयाँ कार्यसमिति चयन गरेको हो ।
कार्यसमितिका पदाधिकारीमा निवर्तमान अध्यक्ष बीके श्रेष्ठ, प्रथम उपाध्यक्षमा सिर्जना राणा, द्वितीय उपाध्यक्षमा विनोदशंकर श्रेष्ठ, महासचिवमा विनायक शाह, कोषाध्यक्षमा सुनील शाक्य चयन भएका छन् । त्यस्तै, कार्यसमिति सदस्यमा दिनेश बिष्ट, प्रवीणबहादुर पाण्डे, दिनेश तुलाधर, विशाल कुमार, राकेशदास श्रेष्ठ, युवराज श्रेष्ठ, रामकुमार पुरी, देवेन्द्र वाग्ले, ठाकुरप्रसाद पोखरेल, साजन शाक्य, विप्लव पौडेल, घनश्याम श्रेष्ठ, सीपी श्रेष्ठ र असित राणा चुनिएका छन् ।
नवनिर्वाचित अध्यक्ष शाक्यले पर्यटन उद्योगलाई राष्ट्रिय प्राथमिकता प्राप्त उद्योगका रूपमा मान्यता दिलाउन पहल गर्ने प्रतिबद्धता जनाए । उनले पर्यटन क्षेत्रको विकास र विस्तारमा पर्यटनसँग सम्बन्धित सबै संघसंस्थासँगको सहकार्यमा प्रभावकारी योजना तर्जुमा गरेर अगाडि बढ्ने बताए ।
प्रतिक्रिया दिनुहोस !
