छक्का पञ्जाका संगीतकार दीपकको ‘हे बरै’ सार्वजनिक (भिडियो)
काठमाडौँ: संगीतकार दीपक शर्माले गायनमा डेब्यू गरेका छन् । सयौँ गीतमा संगीत भरिसकेका शर्माले ‘हे बरै’ बोलको लोक शैलीको गीत बजारमा ल्याएका हुन् । गीतमा शब्द, संगीत र एजेन्ज स्वयम् शर्माको रहेको छ ।
‘हे बरै’को म्युजिक भिडियो समेत सार्वजनिक भएको छ । वसन्त सापकोटाले निर्देशन गरेको भिडियोमा दीपक स्वयम्ले अभिनय गरेका छन् भने भद्रगोलकी कलाकार रक्षा श्रेष्ठले उनलाई साथ दिएकी छिन् ।
भिडियोको छायांकन अनिल मानन्धरले गरेका हुन् भने टेकेन्द्र शाह सम्पादक हुन् । भिडियोमा आफूले रोजेकी प्रेमीका पाएको रोचक प्रसंगलाई समेटिएको छ।
दीपक छक्का पञ्जा, हवल्दार सुन्तली, किस्मत–२ लगायतका चलचित्रमा संगीत भरेर चर्चामा आएका संगीतकार हुन् । संगीतमा व्यस्त दीपकले आफ्नो पहिलो गीतले सांगीतिक यात्रामा विशेष अर्थ राख्ने बताए ।
प्रतिक्रिया दिनुहोस !
७
