कोकाकोलाले नेपालमा लाखौं मानिसलाई आफ्ना विभिन्न उत्पादनमार्फत चिसोपन प्रदान गरिरहेको छ । कोकाकोला, स्प्राइट, फ्यान्टा र किन्ले जस्ता पेय पदार्थ उत्पादन गर्दै आएको कम्पनीले नेपालमा कोल्ड ड्रिङस बजारको आधाभाग नै ओगटेको छ ।
आफ्नो व्यापारका साथै विभिन्न समाजिक कार्यमा समेत सहभागी हुँदै आएको कम्पनीले दसैंतिहारलाई लक्षित गरेर अहिले 'मन खोलौं कोकसँग' भन्ने नयाँ अभियान सुरु गरेको छ । कम्पनीले सुरु गरेको यही नयाँ अभियानसँग सम्बन्धित रहेर कोकाकोला नेपालका देशीय निर्देशक आलोक कोहलीसँग अन्नपूर्णले गरेको वार्ताको सारसंक्षेपः
- तपाईंहरूले 'मन खोलौं कोकसँग' अभियान ल्याउनु भएको छ । यो कस्तो अभियान हो ?
यो विशेष कोकको माध्यमबाट आफ्नो मनको भावना अरुलाई व्यक्त गर्न सहयोग पुगोस भनेर यो अभियान सञ्चालनमा ल्याइएको हो । नेपालमा सम्बन्ध भन्ने कुरा महत्त्वपूर्ण छ । हामीले त्यसैलाई मध्यनजर गरेर मानिसको जीवनका १५ महत्त्वपूर्ण सम्बन्धलाई दर्शाउने गरी आफ्नो पुरानो लेबल हटाएर १५ वटा सन्देशसहितका नयाँ लेबल प्याक सार्वजानिक गरेको छौं ।
परम्परागत कोकको लेबल यो वर्ष हटाएर हरेक मानिसको जीवनमा प्रभावित पार्ने विशेष सम्बन्ध जस्तै बुबा, दाजुलगायतलाई सम्मान स्वरुप प्रतिस्थापन गरेको छौं । यसमार्फत ग्राहकले आफ्ना प्रियजनसँग आफ्नो भावना साट्न सक्नेछन् । यसमा परिवार, आफन्त वा साथीभाइका लागि उपभोक्ताले चाहेको प्याक खरिद गरेर सन्देशसहित उपहार प्रदान गर्न सकोस भन्ने योजनाका साथ हामीले यो अभियान सुरु गरेका हौं । यो अभियानले उपाभोक्तालाई साथी तथा परिवारसँग जोडिन सहयोग गर्नेछ ।
यो अभियानको आसय कोकले भावनात्मक सम्बन्ध जोड्न सक्छ भन्ने हो अथवा भावनात्मक अभियानमार्फत ग्राहकको विश्वास जित्न खोज्नु भएको छ ?
हामीले उत्प्रेरकको भूमिका निर्वाह गर्ने कोशिस मात्र गरहेका हौं । जसरी सम्बन्ध महत्त्वपूर्ण हुन्छ त्यसरीनै त्यसलाई बनाइ राख्न पनि जरुरी हुन्छ । कतिपय मान्छेले मनको भावन भन्न नसकेर आफ्नो सम्बन्ध पनि गुमाएका छन् । हामी अब कसैको सम्बन्ध टुटोस् भन्न चाहाँदैनौ । मनको भावना एउटा कोकको माध्यममार्फत उपभोक्ताले सहजै भन्न सकुन भनेर यो अभियान ल्याएका हौं । हामीले दुई सम्बन्धबीचमा भूमिका खेल्ने प्रयास गरेका हौं । चाडपर्व पनि सम्बन्ध नै हो, त्यसैले हामीले यो समयमा यो योजना ल्याएका हौं । यो चाडवाडमा हामी ग्राहकको विश्वास जित्नभन्दा पनि उनीहरूको सम्बन्धलाई अझ प्रगाढ गर्न चाहान्छौं ।
- सम्बन्धलाई जनाउन कोकको लेबलमा मात्र परिवर्तन गरिएको छ वा स्वाद पनि ?
कोकको स्वादमा हामीले कुनै परिवर्त गरेका छैनौं । जुन स्वादले कोक सफल भइरहेको छ त्यसलाई परिर्वतन गरेर बजारमा आउन चाहँदैनौं । विश्वभरि ग्राहकले मन पराएको कोकको पुरानो स्वादनै हामीले यसमा प्रयोग गरेका छौं । मात्र फरक भनेको कोकको बोतलमा भएको पुरानो लेबललाई हटाएर सम्बन्धलाई दर्शाउन नयाँ १५ सम्बन्धसहितको लेबलका साथ आएका हौं ।
यो अभियान कतिसम्म सफल हुन्छ जस्तो लागेको छ ? अभियान सफल हुने नहुने भन्ने कुरा अभियानको अन्त्यमा मात्र थाहा हुने कुरा हो । तर हामी अभियान सफल होस्भन्दा पनि मानिसको सम्बन्ध अझ प्रगाढ होस भन्ने चाहाँन्छौ । जति सम्बन्ध प्रगाढ हुँदै जान्छ त्यती हाम्रो अभियान सफल हुँदै जानेछ ।
कोल्ड ड्रिङसको बजारमा प्रतिस्पर्धा कस्तो छ ?
अवश्य पनि बजार प्रतिस्पर्धात्मक नै छ । यहाँ साना कम्पनी निकै साना छन् भने कतिपय प्रतिस्पर्धाको बाजारमा उत्री सकेका छन् । बढ्दो बजारमा प्रतिस्पर्धाका लागि हामीले पनि कोकका साथै किन्ले वाटर, माजा जस्ता उत्पादन भित्त्याएका छौं । त्यसले पनि हाम्रीलाई बजारमा सहयोग पुर्याएको छ ।
व्यापारको कुरा गर्ने हो भने देशमा संकट पर्दा हाम्रो व्यापारमा समेत संकटपर्नु भनेको स्वाभाविकै हो । गत वर्ष भूकम्प, नाकाबन्दी जस्ता कारणले हाम्रा व्यापारमा समेत केही समस्या आएको थियो । तर, अहिलेको स्थितिमा भने कोकको बाजार धेरै नै राम्रो छ । बजार हिस्सको कुरामा अवश्य पनि हामीले हाम्रा प्रतिस्पर्धी कम्पनीलाई धेरै नै पछि छोडेका छौं । हामीले अहिलेको अवस्थामा नेपालको कोल्ड ड्रिङस बजारको झन्डै आधा भागनै ओगटेका छौं ।
- नेपालमा तपाईंहरूको बजार रणनीति कस्तो छ ?
ब्रान्डको विस्तारका लागि हामीले हरेक वर्ष विभिन्न किसिमका कार्यक्रम गर्दै आएका छौं । गत वर्ष हामीले कोकाकोला मोःमोत्सव आयोजना गरेका थियौं जुन कम्पनीका लागि फलदायी सावित भएको थियो । साथै हामीले कोकाकोला कपको आयोजना गर्यौं ।
यसले फुटबल प्रेमीबीच हामीलाई पुग्न अझबढी सहयोग पुगेको छ । त्यसका साथै हामीले विभिन्न कन्सर्टमा प्रायोजका रूपमा पनि सहभागिता जनाएका छौं । अहिले यो अभियान सुरु गरेका छौं । हामी मानिसबीच जोडिन चाहाँन्छौं त्यसैले त्यही अनुरुपको कार्यक्रम लिएर बजारमा आएका हुन्छौं । साथै हामी धेरैभन्दा धेरै ग्राहकसँग जोडिन विभिन्न स्थानमा बिक्री पसल तथा डिलरको विस्तार पनि गरिरहेका छौं ।
सडकको पहुँचले ग्रामीण भेगमा पनि मानिसको जीवन शैलीमा परिर्वतन हुँदै आएको छ । त्यसले चिसो खाने संस्कृति कति बढिरहेको पाउनुहुन्छ ?
अवश्य पनि सडक विस्तारले हाम्रो व्यापारमा पनि ठूलो सहयोग गरेको छ । यो कम्पनीका लागि राम्रो कुरा हो । चिसो खाने संकृतिको कुरागर्दा सुरुमा सिसाको बोतलमा मात्र आउने कोक ग्राहकको चाहना र परिस्थितिलाई मध्यनजर गरेर अहिले आकर्षण बोतलमा आएका छन् । यसले गर्दा पसलमा बसेर खानुपर्ने झन्झट सकिएको छ । ग्राहले घरमा लगेर पनि खान सक्ने भएका छन् । यसरी पसलबाट घरमा पुग्दा अवश्य पनि कोकको प्रयोग बढेको छ ।
गर्मीको समयमा त यो मानिसका लागि आवश्यक जस्तै भएको छ । दसैंतिहार जस्तो चाडवाडमा खुसी साट्न पनि यसको प्रयोग बढ्दोछ । यतिसम्म कि अब घामबाट हिँडेर आएका पाहुँनालाई चिसो पानीको ठाउँमा चिसो पदार्थ लिनुुहुन्छ भन्ने चलनको विकास भएको छ ।
प्रतिक्रिया दिनुहोस !
