अन्नपूर्णकर्मी अधिकारी सम्मानित
लमजुङः अन्नपूर्ण पोष्ट राष्ट्रिय दैनिकका लमजुङ संवाददाता दीपक अधिकारी सम्मानित भएका छन् ।
पूर्वी लमजुङको राइनास नगरपालिका ३ तिनपिप्लेको अकला युवा क्लबले दसैँको अवसरमा गरेको सांस्कृति कार्यक्रममा अधिकारी सम्मानित भएका हुन् ।
पत्रकारिताको माध्यमबाट जिल्लाको सामाजिक, आर्थिक, सांस्कृति लगायत क्षेत्रको प्रबद्र्धनमा योगदान पुर्याएको भन्दै अधिकारी सम्मानित भएका हुन् ।
उनलाई लमजुङका सांसदद्धय जमिन्द्रमान घले, लालबहादुर गुरुङ, नेपाली कांग्रेस लमजुङका पूर्वसभापति तुलसीनारायण श्रेष्ठ र क्लबका अध्यक्ष माधव पौडेलले संयुक्त रुपमा सम्मान गरे ।
‘संस्कार युक्त समाज निर्माणका लागि हाम्रो अभियान’ भन्ने मुल नाराका साथ आयोजना भएको सांस्कृतिक कार्यक्रममा सञ्चारकर्मी आश गुरुङ, सर्वोदय सेवाश्रमका अध्यक्ष कृष्णराज ओलीया र स्थानीय ज्येष्ठ नागरिकसमेत सम्मानित भए ।
प्रतिक्रिया दिनुहोस !
