विश्वको सबैभन्दा जेठो पान्डाको मृत्यु
हङकङः विश्वको सबैभन्दा जेठो पान्डाको मृत्यु भएको छ। जिया जिया नामक पोथी पान्डाको आइतबार हङकङको ओसियन पार्कमा ३८ वर्षको उमेरमा मृत्यु भएको हो।
उक्त पान्डाले अघिल्लो वर्षमात्रै सबैभन्दा बढि उमेरसम्म बाँच्ने पान्डाको रुपमा गिनिज बुकमा नाम लेखाएको थियो। पान्डाको औसत आयु २० वर्ष छ। जिया जिया नामक उक्त पान्डालाई विगत १७ वर्षदेखि ओसियन पार्क चिडियाखानामा राखिँदै आएको थियो।
पान्डा केही दिनदेखि बिरामी भएको र खाना कम खाने तथा तौल पनि घट्दै गएको थियो। पार्कले जनाए अनुसार पान्डालाई केही समयदेखि उच्च रक्तचाँपका साथै आँखामा समेत समस्या देखिएको थियो।
प्रतिक्रिया दिनुहोस !
