नेपाल बंगलादेश बैंकद्वारा सहयोग
काठमाडौः नेपाल बंंगलादेश बैंकले झापाको बिर्तामोडस्थित बिर्तामोड अपांगता स्वावलम्बन संस्थालाई विभिन्न इलेक्ट्रोनिक तथा फर्निचर सामग्री सहयोग गरेको छ ।
बैंकको संस्थागत सामाजिक उत्तरदायित्वअन्तर्गत यस्तो सहयोग गरेको बैंकले जनाएको छ । बैंकका प्रमुख कार्यकारी अधिकृत ज्ञानेन्द्रप्रसाद ढुंगाना र राष्ट्रबैंकका डेपुटी गभर्नर चिन्तामणि सिवाकोटीले उक्त सामग्री हस्तान्तरण गरेका छन् । बैंकले बिर्तामोड शाखा बी एन्ड सी मेडिकल कलेज टिचिङ हस्पिटल एन्ड रिसर्च सेन्टरमा एटीएम सेवासमेत सञ्चालनमा ल्याएको छ ।
उक्त एटीएम सेवाको उद्घाटन राष्ट्रबैंकका डेपुटी गभर्नर चिन्तामणि सिवाकोटीले गरेका छन् । उक्त अवसरमा अपांगता स्वावलम्बन संस्थाका अध्यक्ष दीपक थापाले बैंकको सहयोगप्रति कृतज्ञता व्यक्त गर्दै आगामी दिनमा पनि यस किसिमको सहयोगको अपेक्षा रहेको बताए ।
प्रतिक्रिया दिनुहोस !
