एभरेस्ट बैंकद्वारा निशुल्क स्वास्थ्य शिविर
काठमाडौः एभरेस्ट बैंक लिमिटेडले बाइसौं वार्षिकोत्सवको अवसर पारेर सोमबार आफ्नो मुख्य कार्यालय परिसरमा निशुल्क स्वास्थ्य शिविरको आयोजना गरेको छ । कार्यक्रममा ग्राण्डी अस्पतालका चिकित्सक टोलिले दुइ सय ५० जनालाई परामर्श तथा स्वास्थ्योपचार सेवा पुर्याएका छन् ।
शिविरमा ईएनटि, दन्त चिकित्सा, ग्यास्ट्रोएन्टेरोलोजी, ओप्थाल्मोलोजी र अर्थोपेडीक लगायतका सेवा उपलव्ध थिए । बैंकका अनुसार विभिन्न स्वास्थ्य समस्याको प्रारम्भिक निदान कसरी गर्ने भन्ने बारे उक्त शिविर आयोजना भएको हो । बैंकले कर्पोरेट सामाजिक जिम्मेवारीको रुपमा स्वास्थ्य, शिक्षा र पूर्वाधारका क्षेत्रमा सहयोग प्रदान गर्दै आएको छ ।
बैंकले ६१ वटा शाखा, पाँच एक्सटेन्सन काउन्टर, २४ राजश्व संकलन काउन्टर र ८६ एटिएम तथा बृहत बाह्य सञ्जालमार्फत उत्कृष्ट बैंकिङ सेवा प्रदान गर्दै आएको छ ।
प्रतिक्रिया दिनुहोस !
