भाइब्रेन्ट सेरामिक एक्स्पो
काठमाडौंः भाइब्रेन्ट सेरामिक एक्स्पो २०१६ आयोजना हुने भएको छ । सेरामिक एक्स्पो २०१६ आगामी पुस एक गतेदेखि तीन गतेसम्म भारतको अहमदावाद गुजरातमा हुने भएको छ ।
स्थापना भएको चार महिनामै भाइब्रेन्ट सेरामिकले टायल्स र सेनिटरीको क्षेत्रमा अहिलेसम्मकै ठूलो कार्यक्रमको आयोजना हुन लागेको जनाएको छ ।
एक्स्पोले सेरामिक उद्योग, वाल टायल्स, भिट्रिफाइड टायल्स, फ्लोर टायल्सका साथै सेनिटरी वेयरलाई एकैठाउँमा ल्याउनेछ । साथै साना तथा मध्यमस्तरीय कम्पनीको विकास गर्न लगानीको अवसर प्रदान गर्ने आयोजकले जनाएको छ ।
विश्व स्तरिय एक्स्पोकोरूपमा आयोजना गर्न लागिएको यस कार्यक्रममा नेपालका साथै विश्वका २० भन्दा बढी देशबाट सयौं कम्पनीको सहभागिता हुनेछ । कार्यक्रममा विषय विशेषज्ञले यस सम्वन्धी कार्यपत्र प्रस्तुत गर्नेछन् । एक्स्पोमा नविनतम् प्रविधिको प्रयोग गरी निमार्ण भएका टायल्सका साथै सेनिटरीको प्रदर्शनी गरिने आयोजकले जनाएको छ ।
प्रतिक्रिया दिनुहोस !
