प्रधानमन्त्री प्रचण्ड र कांग्रेस सभापति देउवाबीच भेटवार्ता
काठमाडौँः प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच भेटवार्ता भएको छ ।
प्रधानमन्त्री निवास बालुवाटारमा भएको उक्त भेटवार्तामा मुलुकको पछिल्लो राजनीतिक घटनाक्रमका विषयमा कुराकानी भएको छ ।
प्रधानमन्त्री र सत्तारुढ दल कांग्रेसका सभापति देउवाबीचको भेटमा अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीविरुद्धमा संसद् सचिवालयमा दर्ता भएको महाअभियोगसम्बन्धी प्रस्तावका विषयमा छलफल भएको प्रधानमन्त्रीको निजी सचिवालयले जनाएको छ ।
भेटवार्तामा महाअभियोको विषयमा एक भएर अघि बढ्ने विषयमा कुराकानी भएको प्रधानमन्त्री निकट स्रोतले जानकारी दिएको छ ।
प्रतिक्रिया दिनुहोस !
