काठमाडौं: सिजी मोबाइल कम्पनीले नयाँ दुई स्मार्टफोन सार्वजनिक गरेको छ। कम्पनीले इओन ब्लेजसिरिज अन्तर्गतका इओन ब्लेज सिक्स र इओन ब्लेज प्रो गरी दुई मोडलका मोबाइल नेपाली बजारमा भित्र्याएको छ।
कम्पनीले बजारमा ल्याएको इओन ब्लेजमा ६ इन्चको एचडी डिस्प्ले छ। फोनमा १३ मेगा पिक्सलको रियर र सेल्फीका लागि ५ मेगा पिक्सलको क्यामेरा जडान छ। यो स्मार्टफोनमा नयाँ प्रविधि र विशेषताहरु पनि छन्।
एन्ड्रोइड भर्सनको स्मार्टफोनमा २८ सय एमएएच पावरको ब्याट्री छ। एक जीबी र्याम छ भने १६ जीबी इन्टर्नल स्टोरेज क्षमता छ। यो मोबाइलको कम्पनी मूल्य ११ हजार १ सय ११ रुपैयाँ तोकिएको छ।
यसैगरी इओन ब्लेज प्रोमा भने ५.५ इन्चको डिस्प्ले छ। यो स्मार्टफोनमा १३ मेगा पिक्सलको रियर र ५ मेगा पिक्सलको फ्रन्ट क्यामेरा छ।
२४ सय एमएएच पावर ब्याट्री रहेको मोबाइल सेटमा १ जीबीको र्यामको साथमा १६ जीबीको इन्टर्नल स्टोरेज क्षमता छ। यो स्मार्टफोन नेपाली बजारमा मूल्य ९ हजार ६ सय ९९ रुपैयाँमा छ।
प्रतिक्रिया दिनुहोस !
