संविधान संशोधनले मात्र देशको हितगर्छः उपराष्ट्रपति पुन
धरानः उपराष्ट्रपति नन्दबहादुर पुनले संविधानको पूर्ण कार्यान्यनका लागि संविधान संशोधन गर्नुपर्ने बताएका छन् । आइतबार धरानमा आयोजित गुरुङ तमुहरुको प्रथम ऐतिहासिक सार्क सम्मेलनको उद्घाटन गर्दै पुनले संविधान संशोधनको माध्यमबाट मात्र संविधानको पूर्ण कार्यान्ययन हुने र देशको हित हुनेबताएका हुन्।
उनले सबै राजनीतिक दललाई एक ठिक्का भएर देशको हितमा लाग्न पनि आग्रह गरेका छन् । असन्तुष्ट पक्षको जायज मागलाई सम्बोधन गरी सरकार पक्ष र प्रतिपक्ष सबै एक भएर संविधान संशोधन गरी संविधानको पूर्ण कार्यान्यनका लागि एकजुट हुनुपर्ने उनको भनाइ छ ।
उपराष्ट्रपती पुनले सरकारले संविधानको पूर्ण कार्यान्यन गराउन २०७४ साल माघ ८ गतेसम्ममा प्रदेश, केन्द्र र स्थानीय तहको निर्वाचन अनिवार्य गराउनुपर्ने बाध्यता रहेको समेत बताए ।
गुरुङ जातीको पहिचान र अतित्वको संरक्षण गर्ने उदेश्यले आयोजना गरिएको प्रथम ऐतिहासिक सार्क सम्मेलनमा नेपाल, भुटान, बर्मा, भारत, मलेसिया, बेलायत, हङकङ लगायतका देशमा रहेका गुरुङ बुद्धिजीविको उपस्थिति थियो।
प्रतिक्रिया दिनुहोस !
