टेलिकमलाई ‘फोरजी’ सेवाको अनुमति

काठमाडौं नेपाल टेलिकमले दूरसञ्चार प्राधिकरणबाट फोरजी सेवा सञ्चालनको अनुमति पाएको छ । प्राधिकरणले टेलिकमलाई १८ सय मेगाहर्ज फ्रिक्वेन्सी ब्यान्डमार्फत फोरजी सेवा सुरु गर्ने अनुमति प्रदान गरेको हो ।

यससँगै टेलिकमले १८ सय मेगाहर्ज फ्रिक्वेन्सी ब्यान्डमार्फत १५ मेगाहर्जमा फोरजी सेवा सुरु गर्न पाउने प्राधिकरणका अध्यक्ष दिगम्बर झाले जानकारी दिए । उनका अनुसार प्राधिकरणको शुक्रबारको बोर्डको निर्णयले टेलिकमलाई फोरजी सेवाको अनुमति दिने भनी फाइल अघि बढाइएको हो । यससँगै अब टेलिकमलाई फोरजीका लागि आवश्यक उपकरण खरिदको बाटो खुलेको छ ।

दसैंभन्दा अघि प्राधिकरणले टेलिकमसँग फोरजी सेवा सञ्चालनका लागि आवश्यक कार्ययोजना माग गरेको थियो । कार्ययोजनाका आधारमा प्राधिकरणले टेलिकमलाई फोरजी सेवाको अनुमति प्रदान गरेको हो । कार्ययोजनामा टेलिकमले मंसिर अन्तिमसम्म फोरजी सेवा सञ्चालनमा ल्याइसक्ने कार्ययोजना प्राधिकरणलाई बुझाएको टेलिकमका प्रवक्ता प्रतिभा बैद्यले बताएकी छन् ।

तर, प्राधिकरणले टेलिकमलाई पुस १५बाट व्यावसायिक रूपमा फोरजी सेवा सञ्चालनको अनुमति प्रदान गरेको छ । टेलिकमले अब १८ सय मेगाहर्ज फ्रिक्वेन्सी ब्यान्डमार्फत १५ मेगाहर्जमा फोरजी सेवा सञ्चालनमा ल्याउनेछ । त्यसमा टेलिकमले १० मेगाहर्जको फ्रिक्वेन्सीमा टुजी र थ्रीजी सेवालाई निरन्तरता दिनेछ भने ५ मेगाहर्जबाट फोरजी सञ्चालन गर्नेछ ।

पहिलो चरणका लागि सहरी क्षेत्रमा फोरजी सेवालाई प्रथामिकताका साथ विस्तार गरिनेछ । ‘टेलिकमले बुझाएको कार्ययोजनामा समेत अनुमति पाएको दुई महिनाभित्र काठमाडौं र पोखराका सहरी क्षेत्रमा फोरजी सेवा सुरु गर्दै विस्तारै देशभर विस्तार गर्ने उल्लेख गरेका थियौं,’ प्रवक्ता बैद्यले भनिन् ।

उनका अनुसार टेलिकमलाई आधिकारिक रूपमा सेवा कहिलेबाट सञ्चालनमा ल्याउने भनी कुनै सूचना आएको छैन । सूचना आएसँगै टेलिकमले आफ्नो कार्य सुरु गर्नेछ ।

टेलिकमले फोर जी सेवा सञ्चालन गर्न पाए पनि निजी क्षेत्रका एनसेललगायत कम्पनी भने अनुमतिको पखाईमा छन् । 

प्रवक्ता बैद्यका अनुसार टेलिकमले सञ्चालनमा ल्याउने फोरजी सेवा ३० एमबीपीएसको गतिमा डाटा उपलब्ध हुनेछ जुन थ्रीजीको तुलनामा दोब्बरभन्दा पनि बढी हो । किनभने हामीले प्रयोग गर्दै आएको थ्रीजी सेवा १४ एमबीपीएसको गतिमा डाटा उपलब्ध थियो । यसको मूल्य कति लाग्ने भन्ने कुरा भने टुंगो लागि नसकेको प्रवक्ता बैद्यले बताइन् ।

टेलिकमले फोरजी सेवा सञ्चालन गर्न पाए पनि निजी क्षेत्रका एनसेललगायत कम्पनी भने अनुमतिको पर्खाइमा छन् । सेवा सञ्चालनका लागि एनसेलले टेलिकमसँगै प्रस्ताव पेस गरे पनि फ्रिक्वेन्सीको अभावमा अहिले फोरजी सेवा सञ्चालनको अनुमति पाउन नसकेको अध्यक्ष झाले बताए ।

उनका अनुसार एनसेलसँग अहिले ११ मेगाहर्जमात्र फ्रिक्वेन्सी छ जुन फोरजी सञ्चालनका लागि अपुग हुन्छ । फोरजी सेवाका लागि कम्तीमा १५ मेगाहर्जको फ्रिक्वेन्सी आवश्यक पर्छ । टेलिकमले भने पहिले नै १५ मेगाहर्जबाट सेवा दिँदै आएको थियो ।

एनसेललाई आवश्यक थप फ्रिक्वेन्सी प्रदानका गर्न कार्यविधि निर्माण भइरेहेको छ । फ्रिक्वेन्सी कति उपलब्ध हुन्छ त्यसका आधारमा एनसेललाई फ्रिक्वेन्सी प्रदान गरिनेछ । इन्फो टेलिकमले फोरजी सेवा सञ्चालन गर्न पाए पनि निजी क्षेत्रका एनसेललगायत कम्पनी भने अनुमतिको पर्खाइमा छन् ।