प्रहरीसँगको भिडन्तमा १८ माओवादी मारिए
आन्द्रप्रदेशः भारतको आन्द्रप्रदेशस्थित ओडिसाको सीमा क्षेत्रमा भएको भिडन्तमा १८ माओवादी कार्यकर्ताको मृत्यु भएको प्रहरीले दाबी गरेको छ ।
विशाखापत्तनमका बरिष्ठ प्रहरी अधिकारी राहुल देव शर्माले आन्ध्रप्रदेश प्रहरीको विशेष दल ‘ग्रेहाउन्ड’ तथा ओडिशा प्रहरीको संयुक्त कारबाही भएको बताएको बीबीसीले जनाएको छ ।
भिडन्त ओडिशाको मलकानगिरी जिल्लास्थित कियासिर बेगानगीको जंगलमा भएको थियो ।
भिडन्तपछि घटनास्थलमा अधिकमात्रामा हातहतियार तथा गोलाबारुद बरामद भएको प्रहरीले जनाएको छ । घटनास्थलबाट चार थान एके ४७ राइफल, दुई थान एसएलआर तथा दुई इन्सास राइफललगायतका हतियार बरामद भएको प्रहरीले जनाएको छ ।
भिडन्तमा अन्य केही माओवादी छापामारलाई गोली लागेको प्रहरीको आशंका छ । उनीहरु घटनास्थलबाट भाग्न सफल भएका छन् ।
अहिले घटनास्थल रहेको जंगललाई सुरक्षाकर्मीले पूर्ण रुपमा घेरबन्दी गरी नियन्त्रणमा लिएका छन् । माओवादी छापामारको खोजी कार्य जारी रहेको छ । भिडन्तमा केही सुरक्षाकर्मी घाइते भएको बताइएपनि यकिन विवरण आउन बाँकी छ ।
ओडिशाको मलकानगिरी इलाका, छत्तीसगढ तथा आन्ध्रप्रदेश माओवादीको गढ इलाका मानिन्छ ।
प्रतिक्रिया दिनुहोस !
