काठमाडौः तिनाउ विकास बैंक लिमिटेडको दशौं वार्षिक साधारण सभा सोमबार सम्पन्न भएको छ ।
उक्त अबसरमा बैंकका अध्यक्ष राजेन्द्रप्रसाद ओझाले सञ्चालक समितिको तर्फबाट आर्थिक वर्ष २०७२÷७३ को वार्षिक प्रतिवेदन प्रस्तुत गरे । सभाले २०७२/७३ को मुनाफाबाट २७ करोड ३० लाख ९६ हजार २ सय पचास रुपैयाँको २५ प्रतिशतले हुन आउने ६ करोड ८२ लाख ७४ हजार ६२ रुपैयाँ बरावर बोनस सेयर वितरण गर्ने निर्णय गरेको छ ।
कर प्रयोजनार्थ १.३१ प्रतिशतले नगद लाभांस वितरण गर्ने प्रस्ताव पनि पारित गरेको छ । उक्त स्वीकृत वोनस शेयर वितरण गरेपश्चात बैंकको चुक्ता पुँजी ३४ करोड १३ लाख ७० हजार पुग्ने छ । साथै ३५ प्रतिशतको अनुपातमा हकप्रद सेयर जारी गर्ने प्रस्ताव पनि सर्वसम्मतीबाट पारित भएको छ ।
रुपन्देही, नवलपरासी र चितवन गरी तीन जिल्ला कार्यक्षेत्र भएको यस बैंकले केन्द्रिय कार्यालयसहित एघार वटा शाखाबाट बैंकिङ सेवा प्रदान गर्दै आईरहेको छ । बैंकले एटिएम, रेमिटेन्स, लकर, एनी ब्रान्च बैंकिङ सेवाका साथै विहानी तथा सन्ध्याकालिन काउन्टर पनि सञ्चालनमा ल्याएको छ ।
बैंकले एसएमएस बैंकिङ, नेपाल टेलिकमको पीएसटीएन, एडीएसएल, प्रिपेड तथा पोष्टपेट मोबाइलको बिल भूक्तानीजस्ता सेवा प्रदान गर्दै आईरहेको जनाएको छ ।
प्रतिक्रिया दिनुहोस !
