श्रमजीवि पत्रकार ऐन कार्यान्वयन गर्ने सञ्चारमन्त्रीको प्रतिबद्धता
काठमाडौँ: सूचना तथा सञ्चारमन्त्री राम कार्कीले श्रमजीवि पत्रकार ऐन कार्यान्वयनको पहल गर्ने प्रतिबद्धता जनाएका छन् । प्रेस सेन्टर नेपाल तीन नम्बर प्रदेशको ज्ञापन–पत्र बुझ्दै सञ्चारमन्त्री कार्कीले यस्तो प्रतिबद्धता जनाएका हुन् ।
श्रमजीवि पत्रकार ऐन पूर्ण कार्यान्वयन, समानुपातिक विज्ञापन नीति र अघिल्लो सरकारले वृद्धि गरेको लोककल्याणकारी विज्ञापन नीति कार्यान्वयनको मागसहितको ज्ञापन–पत्र बुझेपछि मन्त्री कार्कीले कार्यान्वयनको प्रतिबद्धता जनाएका हुन् ।
‘तपाईहरुले राख्नु भएका मागप्रति सकरात्मक छु’, मन्त्री कार्कील भने, ‘चाँडै पत्रकार महासंघ, प्रेस काउन्सिल र सूचना विभागलगायतका निकायसँग छलफल गरेर काम अघि बढ्छ ।’
श्रमजीवि पत्रकार ऐन कार्यान्वयन नहुँदा श्रमजीवि पत्रकार अन्यायमा परेको तथा पत्रकारको श्रम शोषण भइरहेको ध्यानाकर्षण गराउदै सञ्चारमन्त्रीलाई ज्ञापन-पत्र बुझाएको प्रदेश सचिव टेनिस रोकाले जानकारी दिए ।
ज्ञापन–पत्रमा अनलाइन मिडियालाई व्यवस्थित गर्न माग गर्दै अनलाइन मिडियाका लागि पनि समानुपातिक विज्ञापन नीति ल्याउनुपर्ने माग उल्लेख छ ।
प्रतिक्रिया दिनुहोस !
