काठमाडौंः नेपाली काँग्रेसका वरिष्ठ नेता रामचन्द्र पौडेल र नेपालका लागि अमेरिकी राजदूत अलाइना टेप्लिजबीच भेटवार्ता भएको छ।
पौडेल निवास बोहराटारमा बिहीबार बिहान भएको भेटवार्तामा उनीहरुबीच नेपाल–अमेरिकाबीचको द्विपक्षीय हित र आपसी चासोका विषयमा छलफल भएको थियो। भेटमा नेता पौडेलले संविधान कार्यान्वयन र संशोधनको प्रक्रिया अघि बढेको जानकारी राजदूत टेप्लिजलाई दिएका थिए।
राजदूत टेप्लिजले नेपालको आर्थिक, सामाजिक तथा पूर्वाधार विकासमा अमेरिकी सरकारले नेपाललाई निरन्तर रुपमा सहयोग उपलब्ध गराउँदै आएको र आगामी दिनमा थप सहयोग गर्ने प्रतिबद्धता जनाएकी थिइन्।
प्रतिक्रिया दिनुहोस !
