काठमाडौंः कलर्स मोबाइलले प्राइड श्रृखलाको नयाँ आयामका रूपमा प्राइड पी ८५ स्मार्टफोन भिœयाएको छ । नयाँ पुस्तालाई सुहाउँदो स्मार्टफोन बजारमा ल्याएको कम्पनीले जनाएको छ ।
उक्त स्मार्टफोन फिंगर प्रिन्ट सेन्सरयुक्त रहेको छ । अत्यन्त छरितो र स्टाइलिस डिजाइनमा उपलब्ध यस स्मार्टफोनमा प्रयोग भएको फिंगर प्रिन्ट अनलक गर्ने विशेषताभन्दा अन्य धेरै विशेषताका साथ आएको कम्पनीले जनाएको छ । प्राइड पी ८५ मा भएको फिंगर प्रिन्ट सेन्सरमार्फत सजिलै फोटो खिच्न सकिने छ ।
फोनमा तेब्बर एलईडी फ्ल्याससहितको ८ मेगापिक्सेल क्षमताको मुख्य क्यामरा र ५ मेगापिक्सेल क्षमताको फ्रन्ट क्यामरा रहेको छ । फोनमा १.३ गिगाहर्ज क्वार्डकोर प्रोसेसरसहित १ जीवी ¥याम रहेको छ । १६ जीवी इन्टरनल मेमरी रहेको फोनलाई ३२ जीवीसम्म क्षमता बढाउन सकिने कम्पनीले जनाएको छ ।
पाँच इन्च एचडीआइपीएस स्क्रिन रहेको उक्त स्मार्टफोनमा २५ सय एमएएच क्षमताको ब्याट्री रहेको छ । यो स्मार्टफोनमा रहेको फिंगर प्रिन्टले ५ सेकेन्डमै प्रतिक्रिया जनाउने कम्पनीले जनाएको छ । यो फोनको बजार मूल्य ११ हजार चार सय ९५ रहेको छ ।
टेलिटक प्रालिका कार्यकारी निर्देशक सञ्जय अग्रवालले कडा मिहिनेतका कारण फिंगर प्रिन्ट सेन्सरसहितको पर्फेक्ट सेल्फि स्मार्ट क्यामरा फोन नेपाली बजारमा ल्याएको बताएका छन् । उनले यो स्मार्टफोनमार्फत आफू धेरै नै उत्साहित भएको बताए ।
प्रतिक्रिया दिनुहोस !
