काठमाडौंः इनोभेटिभ डेभलपमेन्ट बैंकले रक्तदानका साथै विभिन्न कार्यक्रमको आयोजना गरी आफ्नो सातौे वार्षिकोत्सव मनाएको छ । रक्तदानका साथै बैंकले श्री विरेन्द्र मावी छपिया, रुपन्देहीका दृष्टिविहिन बालबालीकालाई आवश्यक सामग्री वितरण गरेको छ ।
बैंकका सञ्चालक पर्शुराम पराजुलीको अध्यक्षतामा उक्त कार्यक्रम आयोजना भएको थियो । त्यस्तै बैंकले सिद्धार्थनगर भैरहवामा नगर सरसफाई कार्यक्रम सम्पन्न गरेको छ । बैंकका कर्मचारी, स्थानीय वासिन्दा, समाजसेवी, नगरपालीकाका कर्मचारीको संलग्नतामा सरसफाई कार्यक्रमको आयोजना भएको बैंकले जनाएको छ ।
बैंकका सञ्चालक पराजुलीले यस्तो कार्यक्रम नियमित गर्नुपर्ने बताएका छन् । रगतको अभावमा कसैले पनि मृत्यवरण गर्न नपरोस भन्ने उद्देश्यका साथ भएको रक्तदान कार्यक्रममा बैंकका कर्मचारी तथा व्यापारी गरी २५ जनाले रक्तदानमा सहभागिता जनाएका थिए ।
सहरी, अद्र्ध सहरी र ग्रामीण क्षेत्रमा बैंकिंङ पहँच पुर्याउन बैंकले रूपन्देही, नवलपरासी र चितवनमा गरी ७ शाखाबाट कारोबार सञ्चालन गरिरहेको छ । बैंकले गत असोज मसान्तसम्म दुई अर्ब ६० करोड निक्षेप संकलन गरी एक अर्ब १८ करोड कर्जा प्रवाह गर्न सफल भएको जनाएको छ ।
प्रतिक्रिया दिनुहोस !
