केहिदिन पछिले बलिउड नायक रणवीर सिंहले चलचित्र 'पद्यावती'मा देखिने आफ्नो लुकका तस्बिरहरु सामाजिक सञ्जालमा पोष्ट गरे । ती तस्बिर हेरेपछि रणवीरका प्रशंसकले अब उनको जोडी को भनेर खोजी गरिरहेका बेला नायिका दीपिका पादुकोषणको नयाँ लुक पनि सार्वजनिक भएको छ ।
चलचित्र पद्यावतीमा दीपिका एक रानीको अभिनयमा देखिनेछिन् । फिल्ममा हुने दीपिकाका तस्बिर नभएपनि कास्टिङ डाइरेक्टरले तयार पारेका उनका लुकका स्केच सार्वजनिक गरिएको छ । दीपिकाले पहिरिएका गहनाहरु राजकीय देखिएका छन् । तर, उनको यो लुक नै अन्तिम भन्ने टुंगो लागेको छैन् ।
फिल्ममा दीपिका चित्तौडका राजा रतनसेनकी पत्नी पद्यिनी (पद्यावती)को भूमिका निर्वाह गर्नेछिन् भने उनको पतिको भूमिकामा शादि कपुर देखिनेछन् । रणवीर सिंहलाई अलाउद्दीन खिलजीको रोलमा सम्झौता गरिएको छ ।
फिल्मका निर्देशक सञ्जय भन्सारी छन् भने यो फिल्म आगामी १७ नोवेम्बर २०१७ मा रिलिज हुनेछ ।
प्रतिक्रिया दिनुहोस !
